Հուլիսի 3-ին կինոյի տանը, ՎԱՐԴավառ էր, ավելի կոնկրետ՝ 2 ՎԱՐԴավառ փաստավավերագրող ՎԱՐԴ Սիմոնյանից
«ՃԱՅԸ», կամ «ԸՆԴՀԱՏՈՒՄԸ ՎԵՐՋ ՉԷ» ֆիլմի պրեմիերա և «ՇՆԱՎԱՐԴ» գրքի շնորհանդես:
Հոկտեմբերի 27-ի ոճրագործությունից 25 տարի անց նկարահանված այս ֆիլմը միայն Անահիտ Բախշյանի հաշվետվությունը չէ ամուսնուն՝ հասարակական-քաղաքական գործիչ Յուրի Բախշյանին։
Այն միայն դիմանկար չէ մեր կողքին ապրող մի կնոջ մասին, որ Հոկտեմբերի 27-ի ահաբեկչությանը կորցրել է ամուսնուն եւ հանուն արդարության ու պետականության` հաճախ գնում է երամին հակառակ՝ հավատալով, որ «ԸՆԴՀԱՏՈՒՄԸ ՎԵՐՋ ՉԷ» ։
Ֆիլմում շոշափված հարցերը, խնդիրներն ու ցավերը համազգային են: Ֆիլմի սցենարի հեղինակը և ռեժիսորը հենց ինքն է՝ Վարդ Սիմոնյանը։
Ինչ վերաբերվում է Վարդ Սիմոնյանի«ՇՆԱՎԱՐԴ» գրքին, չհեռանալով փաստագրականի եւ գեղարվեստականի ընդհանրության տրամաբանությունից՝ «ՇՆԱՎԱՐԴ»-ի 1-ին հատորը լրագրող, փաստավավերագրող ՎԱՐԴ Սիմոնյանի հարցազրույցների եւ հրապարակախոսության հավաքագրումն է՝ ի վկայումն այն բանի, որ լրագրությունը նաեւ գրականություն է, իսկ փաստավավերագրությունը՝ կինո։
Վարդ Սիմոնյանը գիրքը նվիրել է իր մայրիկին:
Շնավարդը դա մասրենու ծաղիկն է, վայրի վարդը։ Ի դեպ գրքի շապիկի նկարի հեղինակն, աշխարհահռչակ նկարիչ, քանդակագործ Էմիլ Գազազն է։
