Այսօր՝ հունիսի 1-ին, խոշոր հրդեհ է տեղի ունեցել Կոտայքի մարզում: Ժամը 15:55-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ հրդեհ է բռնկվել Արգել գյուղի չշահագործվող դպրոցում:
Ինչպես հայտնում է ֆոտոլրագրող Գագիկ Շամշյանը, օպերատիվորեն հրդեհի վայր են ժամանել ԱԻՆ ՓԾ Կոտայքի մարզային փրկարարական վարչության օպերատիվ խումբը, հրշեջ-փրկարարական ջոկատից և Երևան քաղաքի փրկարարական վարչության հրշեջ-փրկարարական ջոկատից՝ 2-ական մարտական հաշվարկ: Այս պահին հրդեհի դեմ պայքարում են ոչ միայն հրշեջ-փրկարարներն, այլ նաև գյուղի բնակիչները, այդ թվում՝ ավագ և երիտասարդ սերնդի տղամարդիկ:
Թե ինչն է եղել հրդեհի պատճառը, դա պարզ կլինի մի շարք փորձաքննություններ նշանակելուց հետո: Կոտայքի մարզպետ Ռոմանոս Պետրոսյանի հանձնարարականով դեպքի վայր են ժամանել նաև մարզպետարանի ներկայացուցիչները:
Տեղում են նաև ոստիկանության ներկայացուցիչներն ու մարզի բժշկական կենտրոններից մեկի բժիշկները: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Լուսանկարները՝ Նվեր Գասպարյանի
© shamshyan.com https://shamshyan.com/hy/article/2020/06/01/1156236/
