Արտակարգ դեպք Երևանում՝ իրավաբան Տիգրան Սարգսյանի հետ։ Ինչպես InterNews.info-ի հետ զրույցում նշեց իրավաբանը․
-20․02․2023թ․-ին օպերատիվ հետախուզական գործողություններ են կատարվել Բաղրամյան 31 հասցեում գործող Ակթրեյդ-Սոֆթ և Ակթրեյդ-Առմ ընկերություններում։ Այդ գործողությունների ընթացքում թույլ են տրվել բազմաթիվ խախտումներ, որոնք սահմանափակել են անձանց սահմանադրությամբ երաշխավորված իրավունքները՝ սեփականության, ֆիզիկական և հոգեկան անձեռնմխելիության, անձնական, անձնական տվյալների պաշտպանության իրավունքները և այլն։ Մասնավորապես՝ Խուզարկություն կատարելուց առաջ քննիչը պարտավորված լինելով խուզարկության օբյեկտի օրինական տիրապետողին կամ նրա ներկայացուցչին ստորագրությամբ հանձնել որոշման պատճենը, չի արել դա խախտելով անձի մի շարք իրավունքներ։/Քրեական դատավարության օրենսգիրք հոդված 234։ Տվյալ գործի շրջանակներում խուզարկության են ենթարկվել նաև ընկերության բոլոր աշխատակիցները, այնտեղ մուտք գործող անձինք,հաճախորդներ, սույն գործի հետ որևէ կապ չունեցող անձինք՝ առանց ողջամիտ որևէ կասկածի, առգրավվել են իրենց հեռախոսները և անձնական իրերը՝ առանց համապատասխան որոշման, որը չի կարող հիմնավոր և օրինական լինել։
Առգրավումն իրականացվել է առանց համապատասխան կանոնները պահպանվելու՝ առանց փաթեթավորվելու և առանց կնիքի։ Քրեական դատավարության օրենսգիրք հոդված 234։ Առգրավվման ընթացքում առգրավում իրականացնող անձինք չեն ներկայացել, չեն հայնել իրենց ով լինելը, դրա համար այդպես էլ պարզ չէ, թե կոնկրետ որ ստորաբաժանման աշխատակիցներն են կատարել խուզարկությունն ու առգրավումը։ Խուզարկության ընթացքում չեն կազմվել արձանագրություններ՝ առգրավված իրերի մասին, ինչպես նաև չեն տրամադրվել պատճենները։
Հավելենք նաև, որ այնտեղ գտնվող անձինք զրկված են ազատ ելք ու մուտք իրականացնելու հնարավորությունից, որը ազատ տեղաշարժվելու իրավունքի կոպիտ խախտում է։ «Կրթության Վահան» կրթական իրավապաշտպան ՀԿ-ի նախագահ՝ Տիգրան Սարգսյանը այդ ժամին՝ անտեղյակ լինելով կատարվող դեպքերին, անձնական այցով փորձել է մտնել իր եղբոր՝ Վլադիմիր Սարգսյանի մոտ, սակայն ինքը նույնպես դարձել է այս ամենի զոհը։ Տիգրան Սարգսյանի մոտից առանց ողջամիտ կասկածի անձնական խուզարկություն կատարելով՝ առգրավվել են իր երկու բջջային հեռախոսները, ինչպես նաև այլ անձնական բնույթի իրեր՝ նոթատետր։
Առգրավման արձանագրություն չի կազմվել և արձանագրության պատճենն ստորագրությամբ չի հանձնվել անձին, որի մոտ կատարվել է առգրավումը, ինչը սակայն պարտադիր է քրեական դատավարության օրենսգրքի 239-րդ հոդվածով։ Ի դեպ տվյալ վայրում եղել է ՌԴ քաղաքացի, ով չի տիրապետել հայերեն լեզվին/վարույթի լեզվին, սակայն այդ մասին իմանալով տվյալ հասցե չեն հրավիրվել թարգմանիչներ, որպիսի չխախտվի թարգմանչի անվճար ծառայությունից օգտվելու անձի իրավունքը։
Օպերատիվ-հետախուզական գործողությունները կատարվել են առանց նախապես առգրավման մասին որոշումը հայտնելու և առգրավման ենթակա առարկաների և փաստաթղթերի շրջանակը ներկայացնելու՝ օրենքի խախտումներով և առանց համապատասխան հիմքերի, որը սահմանված է քրեական դատավարության 239-րդ հոդվածում։
Իր խոսքը եզրափակեց Տիգրան Սարգսյանը։
