Դեգրադացիա. Երկիրը դառել է դեղին մամուլի օրգան

230

Ե՞րբ եք վերջին անգամ նոր հրատարակված ժամանակակից հայ գրողի գրքի մասին լսել։ Հայ գիտնականի նոր գյուտի մասին հրապարակում ե՞րբ եք կարդացել։ Ե՞րբ եք վերջին անգամ հայ շինարարի կառուցած նոր շինության նկար տեսել։
.
Հիմա հիշեք մեկ օրվա ընթացքում քանի սենսացիոն հաղորդման, հաղորդագրության ու հոդվածի եք հանդիպել «քաղաքական գործիչ» որակում ունեցող ծաղրածուների մասնակցությամբ։ Սրանք, «թիմային» շահը սպասարկող, մնայուն բարիք դեռ չստեղծած, ստախոս, օճառային օպերաների, գռեհիկ սքեթչերի ու թոք շոուների վրա ձևավորված հանդիսատեսի ամենասիրված ու սպասված, արագ տարածվող սենսացիաների ահա այս հերոսներն են հիմա ձեր ուղեղները լվացողները։
.
Ոչ մի հեղինակություն, ոչ մի հիմնարար արժեք։ Բուտաֆորիկ ինտրիգներ, բեմադրած բատալիաներ, ֆեյքային պատերազմներ։ Մատից ծծած լրահոս մեկ օրվա օգտագործման համար։

Երկիրը դառել է դեղին մամուլի օրգան։
Ճիշտ եմ ասում։