«Ազատ քաղաքացի» մրցանակների համար թեկնածությունների հայտերի ընդունում

3

«Ազատ քաղաքացի» քաղաքացիական նախաձեռնությունների աջակցման կենտրոնը ընդունում է թեկնածությունների առաջադրումներ իր կողմից շնորհվող «Ազատ քաղաքացի» ամենամյա մրցանակների համար, որոնք նախատեսված են քաղաքացիական ակտիվությամբ, վճռականությամբ եւ քաջությամբ աչքի ընկած 18-35 տարեկան երիտասարդների համար։ 2019 եւ 2020 թվականների մրցանակները կհանձնվեն առաջիկայում տեղի ունենալիք համաժողովի ընթացքում։ Մրցանակների հովանավորը Վիշեգրադի միջազգային հիմնադրամն է, որը վերջին երկու տարիների համար մեծացրել է մրցանակային ֆոնդը, ինչի արդյունքում յուրաքանչյուր հաղթող կստանա Նիկա հաղթանակի աստվածուհու թեւերով եւ Հաց բերողի պատկերով հուշանվեր, պատվոգիր, ինչպեսեւ 300 եվրոյին համարժեք դրամ (ներառյալ հարկերը)։

Եթե ուզում եք որեւէ թեկնածու առաջադրել մրցույթին մասնակցելու համար՝ մինչեւ ս․թ․ սեպտեմբերի 21-ը ներկայացրեք նրա անուն ազգանունը, կարճ կենսագրական տվյալներ, ինչպես նաեւ մեկ-երկու պարբերությամբ պատմեք, թե ինչ քաղաքացիական գործունեությամբ ու ձեռքբերումներով է նա առանձնացել 2019 կամ 2020 թվականներին։ Խնդրում ենք նաեւ կցել մամուլում տեղ գտած լուսաբանումները․ հոդվածներ, տեսանյութեր (եթե առկա են)։ Յուրքանչյուր անձ կարող է ներկայացնել մեկ թեկնածություն, ընդունվում են նաեւ ինքնաառաջադրումներ։

Ձեր թեկնածությունները խնդրում ենք ուղարկել [email protected] էլ հասցեին։ Նամակի «թեմա» բաժնում պետք է նշել «Մրցանակաբաշխություն» բառը, իսկ տեքստում նշել նաեւ թե՛ առաջադրողի եւ թե՛ առաջադրվողի անուն, ազգանունը, հեռախոսահամարը եւ էլ․փոստի հասցեն։

Նախորդ տարիների մրցանակակիրներն են․
«Ազատ քաղաքացի – 2016» – Գեւորգ Սաֆարյան,
«Ազատ քաղաքացի – 2017» – Շահեն Հարությունյան
«Ազատ քաղաքացի – 2018» – Երվանդ Աղաբաբյան։

Նախորդ մրցանակաբաշխությունը կարող եք դիտել այս հղմամբ տեսանյութում՝ 11։16 րոպեից․

Հեղինակ՝ Հովսեփ Խուրշուդյան