Սիրելի աշխատանքը սկսվում է երազանքից…
——————————————————————————————————————————————
«Մասնագիտությունն ընտրում են սրտով, ոչ թե շրջապատի կարծիքը հաշվի առնելով, կամ շահավետության սկզբունքից ելնելով: Սիրելի աշխատանքը միշտ և բոլոր տեսանկյուններից շահավետ է:
ճապոնացի գրող Հարուկի Մուրակամիին ասել է` մասնագիտությունը պետք է լինի սիրո գործողություն, բայց ոչ երբեք հաշվարկով ամուսնություն:Եվ քանի ուշ չէ մի մոռացեք, որ ամբողջ կյանքի գործը գործ չէ, այլ դա հենց կյանք է »…
——————————————————————————————————————————————
Պատկերացրեք, որ կարող եք վայելել ձեր սիրելի ուտեստը, կամ նախընտրած ֆիրմային ըմպելիքն առանց ձեր տան հարմարավետությունից դուրս գալու, առանց ժամանակ վատնելու ամբոխի, կամ երկար սպասելու։
Սա երևակայություն չէ, այլ իրականություն, որը ստեղծվել է Մոնա-Միլա առաքման ընկերության կողմից՝ ժամանակակից հայեցակարգ, որը համատեղում է տեխնոլոգիական ինտելեկտը նորարարական տեսլականի հետ՝ վերաիմաստավորելու թեթև ապրելու փորձը։
Ամենը մեկտեղ…
ԱՄՆ-ի Կալիֆոռնիա նահանգի, Լոս Անջելես շրջանում տեղակայված են հասարակական սննդի բազմաթիվ առաքման ծառայություններ։ Ոլորտում իր առանձնահատուկ տեղն է զբաղեցնում Մոնա-Միլա հասարակական սննդի ցանցն, որն առանձնանում է իր թարմ ու ախորժելի սնունդով։ Այն եզակի է նաև նրանով, որ ներկայացնում է ոչ միայն սննունդ, այլ ինչպես հասկացանք վերը նշվածից նաև ամբողջական փաթեթ։ Կարճ ժամանակում բիզնեսը հասցրել է վայելել հաճախորդների գոհունակությունը, դառնալ սիրելի անուն, լինել պահանջվածներից մեկը։
InterNews.info-ն զրույց է պատրաստել բիզնեսի հիմնադիր, մասնագիտական խաչմերուկների հորձանուտում այժմ արդեն վերջնականապես կողմնորոշված, երազանքի հետքերով քայլող Արա Մկրտչյանի հետ։ Կզրուցենք խոհարարի պատասխանատու ու բարդ աշխատանքից, ինչպես նաև կբացահայտենք հաճախորդին գոհացնելու արվեստը։
—————————————————————————————————————————————
– Հարգելի՜, Արա, քչերը գիտեն, որ մինչ խոհարարությամբ զբաղվելն ունեցել եք տարբեր մասնագիտություններ, և բազմաթիվ դեգերումներից հետո, «վերջին կանգառը» խոհարարությունն էր: Ինչպե՞ս հասաք այդ կետին:
-Բարև Ձեզ, շնորհակալ եմ հրավերի համար։ Սխալ կլինի, եթե ասեմ, որ խոհարար դառնալը մանկությանս երազանքն էր: Պատահական հայտնվեցի այս ոլորտում, հավանաբար` նախախնամություն էր: Միջավայր, որտեղ կարող ես մտածել, ստեղծագործել, ինքնաարտահայտվել: Մի անծանոթ աշխարհ էր, որը սիրեցի։
Մասնագիտությամբ դերասան եմ, նաև ոսկերիչ իրարամերժ մասնագիտություններ…Ամեն ինչ սկսվեց, երբ տարիներ առաջ ես տեղափոխվեցի Հայաստանից Գերմանիա։
Եվ ահա տեղափոխվեցի Գերմանիա, սկսեցի զբաղվել այն գործով ինչն այսպես ասած կար՝ ամենահասարակ գործից սկսեցի՝ խոհանոցում օգնել խոհարարներին, սակայն ունեի նպատակ դառնալ հենց խոհարար, ուսումնասիրեցի շատ շատ բաներ, ինչպես նաև ավարտեցի խոհարարական կուրսերը՝ դարձա այն ինչ այսօր կամ։
Սկզբում դարձա այդ ռեստորանի մենեջերն, այնուհետև խորացնելով իմ գիտելիքները խոհարարական ոլորտում դարձա ավագ-խոհարար և հասկացա, որ խոհարարի մատներն են, որ լավագույնս կարող են զգալ համերի արարման մոգական մեղեդին:
-Ինչ է խոհարարությունը Ձեզ համար՝ հոբբի, պահանջված աշխատանք թե՞…
-Խոհարարությունն արվեստ է, որը գիտելիք և տաղանդ է պահանջում։ Խոհանոցն էլ արվեստանոց է, որտեղ մարդիկ արարում ու ստեղծագործում են։
Խոհարար լինելը, նախ եւ առաջ, սեր է ու դրական էմոցիաներ։ Եթե տրամադրություն չունես, նախընտրելի է չմոտենալ ջեռոցին:
Խոհարարի մասնագիտությունն, ինչպես և ցանկացած մասնագիտություն, պետք է սկսել սիրելով. պետք է սիրել ուտելիքներ պատրաստել, հաճույքով մոտենալ մթերքներին, սիրել արարել և ստեղծագործել։
Կարևոր է ամեն բան՝ ճիշտ համային համադրությունները, սննդային ճարտարագիտությունը, մաքրությունը։ Մարդիկ խոհարարին վստահում են իրենց ստամոքսն ու առողջությունը, իսկ մասնագետը պետք է այդ վստահությունը արդարացնի, պատրաստի առաջին հերթին անվտանգ սնունդ, այնուհետև նոր՝ համեղ, էսթետիկ և թրենդային։ Հոբբիս դարձել է կյանքիս իմաստներից մեկը։
-Ո՞րն է Ձեր բիզնես հաջողության գաղտնիքը:
-Գաղտնիքներ, բանալիներ տարբեր են, կամ միգուցէ չկան… Ըստ իս մի բան փաստ է… հաջողությունն այնտեղ է, որտեղ ազնիվ աշխատանքն ու սերն է արված գործի հանդեպ:
-Եվ ահա տեղափոխվեցիք… Ինչ՞ էր պատրաստել ճակատագիրը Ձեզ համար ԱՄՆ-ում:
-ԱՄՆ տեղափոխվել եմ 2014թ․-ին։ Բարդ ուղի եմ անցել, շրջում էի Գլենդելով, ինչքան հայատառ բիզնեսներ էի նկատում, մոտենում էի և խնդրում որպեսզի ընդունեն աշխատանքի։ Եվ այսպես աշխատելով տարբեր ռեստորաններում ստեղծել եմ իմը։
-Առաջին փոքրիկ հաջողությունը, նպատակը…
-Դա իմ բիզնեսի հիմնում էր…Երազանքս ներդաշնակության մեջ ապրելն է… Խնդիրներ, իհարկե, միշտ էլ կարող են լինել, բայց ես խաղաղ եմ: Երբ ճնշվում եմ ծանրաբեռնվածությունից, ուղղակի հիշում եմ այն կետը, որտեղից սկսել եմ, և հիշեցնում եմ ինձ, որ այստեղ եմ նպատակի համար:
-Դուք կարողացել եք կարճ ժամանակում ներխուժել այսպես ասած Ամերիկյան շուկա։ Ձեր հաճախորդները նաև շոուբիզնեսյան աստղեր են, արվեստի ու մշակույթի անձիք։ Ո՞րն է Ձեր ռազմավարությունը։
-Այո, մեր հաճախորդները նաև հայտնի աստեղ են թե հայկական, թե Ամերիկյան։ Ինձ համար շատ հաճելի է աշխատել իրենց հետ, քանի որ ես ինչպես վերը նշեցի մասնագիտությամբ դերասան եմ ինձ համար դա յուրահատուկ շփում է։
Վերջին յուրահատուկ առիթներից մեկը Արմեն Պետրոսյանի՝ Մենչի աղջկա հարսանյաց առիթն էր։ Մենք ներկայացանք մեր յուրօրինակ ձեռագրով։
Բոլորի հետ սիրով աշխատում ենք և փորձում գոհացնել։
-Ես գիտեմ, որ դուք նաև բարեգործական միջոցառումներ եք իրականացնում, մի փոքր մանրամասնեք խնդրեմ։
-Այո, այո, դա մեր աշխատանքի կարևոր մասերից է։ Մենք իրականացրել և շարունակում ենք իրականացնել տարբեր բարեգործական աշխատանքներ հատկապես դրա կարիքը եղավ հրդեհների ժամանակ, անապաստան մարդկաց ենք օգնել։ Պատերազմների և տարբեր ֆորսմաժորային իրավիճակների ժամանակ միշտ եղել ենք և կանք մեր հայրենակիցների կողքին։
-Ձեզ մոտ ոչ միայն նրբորեն համեմված ընտրյալ բաղադրիչներով, յուրահատուկ համերով առանձնանում է ամեն պատառը, որն իսկական համային փորձառություն է, այլև դուք առանձնահատուկ նրանով, որ ներկայացնում եք ոչ միայն սննունդ նաև ամբեղջական փաթեթ։ Եկեք այս մասին խոսենք։
-Այո մեր առանձնահատկությունն է ներկայացնել ամբողջական փաթեթ ինչի շնորհիվ մեր հաճախորդներին զրկում ենք ցանկացած տեսակի հոգսերից, մարդիկ իրենք իրենց տանը լինում են հյուրի կարգավիճակում։ Սա մեր առանձնահատկություններից է և հենց այս է նաև պատճառը, որ մարդիկ մեզ են ընտրում։
-Խոսենք խոհանոցից: Ինչ՞ ուտեստներ եք առաջարկում: Ինչո՞վ եք զարմացնում այցելուներին:
-Մենք առաջարկում ենք տարբեր ազգերի ուտեստներ, ունենք տարատեսակ ճաշացանկ։ Բազմազանությունը ևս մեր առանձնահատկությունն է։
-Հաճախակի ենք հանդես գալիս նորույթներով։ Օրինակ մեր ձեռագիրը՝ հենց Seafood Cake- կարճ ժամանակում սիրվեց հաճախորդների կողմից և դարձավ մեր ցանկում պահանջվածներից մեկը։ Սա հաճախակի են պատվիրում, նույնիսկ առիթներին նվերի տեսքով անակնակալ են իրականացնում։ Նաև ունենք Մոնա-Միլա սոուսը, որը թե՛ ձկնեղենի, թե՛ մսեղենի հետ կարող են օգտագործել։ Դա տասը համային խարնուրնդներից բաղկացած, սակայն միևնույն ժամանակ թեթև և ախորժելի սոուս է։Որի պատրաստման համար բավականին երկար ժամանակ է պահանջվում։
– Դուք ուտել սիրո՞ւմ եք։
– Զարմանալի է, բայց փաստ՝ ես քչակեր եմ (ժպտում է)։ Չնայած նրան, որ ամեն օր տարաբնույթ ուտեստներ եմ պատրաստում, այդուհանդերձ հաճախ բավարարվում եմ փոքրիկ պատառով։
-Եթե ամեն ինչ նորից սկսեիք, ինչը կփոխեիք Ձեր կյանքում, նույն գործը կանեի՞ք:
–Հետաքրքիր հարց է… (խորիմաստ լռում է)։
Այո վերանայելով անցյալս եթե նորից ընտրեի նույնը կնտրեի, խոհարարությունը ես շատ սիրեցի և ես ներդրել եմ այստեղ ամենակարևորը՝ շունչ և հոքի։
Ոչինչ չէի ցանական փոխել կանցնեի նույն ուղին։ Եվ ասեմ ամենակարևոր հատկանիշներից մեկը դա նվիրվել քո աշխատանքին, ես արել և անում եմ։ Իսկ լավագույն գնահատականը դա իմ հաճախորդների գոհունակությունն է։
-Ներկայացրեք թիմային աշխատանքի հաջող օրինակ Ձեր կարիերայից:
-Լիարժեք ներդաշնակ աշխատանքի համար այլ պայման չի կարող լինել քան պարզապես, հասկանալ և ընկալել ցանկացած աշխատողի հոգեբանությունը, կարողությունները, թույլ և ուժեղ կողմերը, միաժամանակ լինել և՛ ընկեր, և՛ ղեկավար։
Գերմանացի իմ ավագ – խոհարարիս խորհուրդը շատ եմ կարևորել իմ կյանքում՝ նա ասում էր, որ բիզնես ունենալու դեպում պետք է օգտագործես ֆուտբելի մեթոդը՝ ունենալ լավ, հավատարիմ թիմ, և անել այնպես որ բոլորը աշխատեն։ Դա ինձ համար դաս եղավ։ Այստեղ մենք դառնում ենք մեկ ընտանիքի անդամ, հավասարը հավասարի հետ։
-Ինչքան գումար է անհրաժեշտ նմանատիպ բիզնես հիմնելու համար։
-Անկեղծ ասած ես մեծ հաշվով գումար չեմ ներդրել, շատ հետաքրքիր ստացվեց ես քիչ քիչ աշխատելով քայլ այլ քառ բիզնես եմ հիմնել։ Ամենահասարակ աշխատանքն անելով իմն եմ հիմնել։ Սա բիզնեսի իմ առանձնահատուկ ձեռագիրն է։
-Ովքե՞ր են Ձեր հերոսները:
-Իմ հերոսները իմ հաճախորդներն են…
Մեկը հանգիստ ամենալարված ու սթրեսային իրավիճակներում, մյուսը ուշադիր ու նրբանկատ…
Մարդկանց հետ բաց շփվելը իմ մասնագիտական կյանքի թերևս ամենակարևոր հատկություններից մեկն է. ես կարողանում եմ շփում հաստատել իմ ուտելիքները համտեսող մարդկանց հետ, կարողանում եմ ընկերանալ:
Եվ, իհարկե, կան շատ հայտնի խոհարարներ, որոնց հաջողության պատմությունները ևս ոգեշնչող են։
-Ձեր խորհուրդը:
-Ընտրեք այն, ինչ սիրում եք… Սիրեք այն ինչ անում եք…
Եվ կլինեք այնտեղ որտեղ ցանկանում եք…
Պետք է ոչ թե գումար ներդնել նպատակի համար, այլ նպատակ դնել գումարի համար։ Եվ ունենալ մեծ հավատ և ձգտում, այդ դեպքում հաջողությունը ինքը կուղոեկցի Ձեզ։ Ես բոլորին այս հին ու բարի խորհուրդները կտայի։
-Եվ վերջում…
–Վերջում, շնորհակալ եմ հաճելի ու տպավորիչ հարցազրույցի համար, հարցեր որոնք իմ մեջ հիշողությունների հրաբուխ արթնացրեցին։ Շնորհակալությունը։
Փաքեջները
Կոնտակտները
🍽️ Mona Mila Catering
✨ Delicious Creations. Elegant Events. Unforgettable Taste. ✨
📍 Website: monamilacatering.com
📸 Instagram: @monamilacatering
🎵 TikTok: @monamilacatering
✉️ Email: [email protected]
📞 Phone: +1 747-500-5505
—————————————————————————————————————
Զրույցը վարեց՝ Էմմա Կանտը
