Ծիծաղի օրը համաշխարհային տոն է, որը բազմաթիվ երկրներում նշվում է ապրիլի 1-ին։ Այս տոնի ժամանակ մարդիկ ծաղրում են իրենց ընկերներին և ծանոթներին, կամ պարզապես կատակում են նրանց հետ։ Ավանդաբար այնպիսի պետություններում և երկրներում, ինչպիսիք են Նոր Զելանդիան, Իռլանդիան, Մեծ Բրիտանիան, Ավստրալիան և Հարավաֆրիկյան Հանրապետությունը, կատակում են մինչև կեսօր, իսկ նրանք, ովքեր կատակում են կեսօրից հետո, կոչվում են «ապրիլյան հիմարներ»։
Այս ուրախ տոնի պատմությունը
1509 թվականին մի ֆրանսիացի պոետ հիշատակել է «Poisson d’Avril» արտահայտությունը՝ գուցե նկատի ունենալով տոնը։ Հայտնի է, որ 1539 թվականին մի ֆլամանդացի ազնվական կատակել է իր ծառաների հետ՝ նրանց տալով ապրիլմեկյան զվարճալի հանձնարարություններ։ Տոնի առաջին հիշատակումը թվագրված է 1686 թվականին, երբ Ջոն Օբրին հիշատակել է «Հիմարների տոնը»։ Տասը տարի անց մի քանի լոնդոնցիներ փորձել են զվարճացնել մարդկանց՝ հրավիրելով զվարճանալու Թաուերի «առյուծների լվացարանում»։
Գրեթե ամբողջ Եվրոպայում տարածված ապրիլի մեկին խաբելու սովորույթի ծագման մասին բազմաթիվ կարծիքներ կան։ Մինչև հիմա սովորաբար բացատրում էին Փրկչի ճակատագրի վերաստեղծումը՝ ուղարկված Աննայից Կաիաֆային, Պիղատոս Պոնտացուց Հերովդեսին։ Այս բացատրությունը հիմնված էր այն փաստի վրա, որ միջնադարում Սուրբ Զատիկ տոնի ընթացքում՝ հիմնականում ապրիլին, այս տեսարանը կրոնական գաղափարների մի մասն էր։ Ոմանք այդ ամենում տեսնում էին միայն ապրիլյան եղանակի փոփոխական լինելու ակնարկ։ Հին Գերմանիայում այդ սովորույթն անհայտ էր և, ինչպես ենթադրում է Գրիմը, այնտեղ տարածվել է վերջին դարերում։ Չնայած այնտեղ դրա ծագման դեռևս հստակ չլինելուն՝ հիմք կա ենթադրելու, որ սա հեթանոսական, գուցե հնագույն կելտական տոնի մնացորդ է, որը նշվում է գարնանամուտի առթիվ։
Ներկայացնենք 10 զվարճալի կատակներ այս տոնը նշելու համար
1. Ներկված ջուր ծորակից
Այս կատակի համար անհրաժեշտ է սննդային գունավորիչի հաբ և ծորակ: Հարկավոր է հետ պտուտակել ծորակի ցրիչը և դնել այնտեղ սննդային գունավորիչի հաբը: Առավել սարսափեցնող արդյունքի համար կարելի է ընտրել կարմիր գունավորիչ:
2. Արկածախնդրություն օճառի հետ
Պատեք օճառը եղունգների թափանցիկ լաքով, որպեսզի այն չփրփրի: Արտակարգ կատակ է ապրիլի 1-ի համար: Հեշտ և արդյունավետ:
3. «Խաղ խաղանք» անծանոթների «գլխին»
Ավելի լավ է այս կատակը խաղարկել հանրային կանգառում կամ հետիոտնային անցման վրա: Որպես օգնական` ձեզ պետք են փխրուն աղջիկ կամ տարեց կին: Հարկավոր է դնել նրանց կողքին աղյուսներով պայուսակ` ծածկված մեկ կիլոգրամ կարտոֆիլով: Կարևոր է, որ պայուսակը լինի ոչ շատ մեծ, բայց` բավական ծանր: Երբ երթուղայինը կմոտենա կամ կվառվի կանաչ լույսը, աղջիկը կամ տատիկը կխնդրեն որևէ երիտասարդի օգնել իրենց պայուսակը տեղ հասցնել…
4. Անհարմար կոշիկ
Հաջորդ կատակը շատ հարմար է տան անդամների համար: Հարկավոր է վերցնել թուղթ կամ բամբակի ոչ մեծ կտոր և տեղադրել այն կոշիկների մեջ: Թուղթը չպետք է դուրս ցցվի կոշիկի մեջից: Երբ տնեցիները մտադրվեն տանից դուրս գալ, կոշիկները նրանց անհարմար կթվան:
5. Թափված կաթ
Վերջինս փոքր-ինչ դաժան կատակ է, բայց արդյունքի համար արժե այն իրականացնել։ Վերցնում ենք հավկիթի սպիտակուցը, լավ խառնում ենք այն սովորական գրասենյակային սոսնձի կամ պոլիվինիլացետատային էմուլսիայի հետ: Լցնում ենք թափված կաթը նմանակող հեղուկը ցանկացած պլաստիկ մակերևույթի վրա և սպասում` մինչ այն չորանա: Որպեսզի պատրաստուքը հեշտությամբ առանձնանա պլաստիկից կամ ապակուց, դրանց վրա պետք է նախապես օճառ քսել։ Ահա և վերջ, ձեր «կաթը» պատրաստ է: Մնում է միայն աննկատ տեղավորել «կաթն» այն մարդու ստեղնաշարի վրա, ում գլխին ցանկանում եք խաղ խաղալ:
6. «Պահածոյացված» գլուխ սառնարանում
Ժանրի դասականներից: Հարկավոր է երկու լիտրանոց բանկայի ներսում փակցնել մարդու գլխի պատկերով թուղթ և հեղուկ լցնել: Դե թող ինչ-որ մեկը այժմ նախաճաշի:
7. Յուրահատուկ աղանդեր
Այժմ անցնենք խոհարարությանը: Վերցնում ենք սոխ, մաքրում և հագցնում փայտիկի վրա: Հետո թաթախում ենք այն հալեցված շոկոլադի մեջ: Հիանալի աղանդերը պատրաստ է:
8. Համեղ փոշի
Ուզու՞մ եք ապշեցնել ձեր գործընկերներին: Ուրեմն այս կատակը հենց ձեզ համար է: Դրա էությունը կայանում է լվացքի փոշին մանկական չոր կերով փոխարինելու մեջ: Հաշվի առեք, որ կերը հարկավոր է նախ լցնել տոպրակի մեջ, ապա նոր տեղադրել լվացքի փոշու տուփի մեջ: Ապա ընդմիջման ժամանակ հանում ենք մեր փոշին և սկսում ենք ուտել: Ներկաների շոկն ապահովված է:
9. Նորից աղանդեր
Այժմ հարկավոր են թխվածքաբլիթներ և ատամի մածուկ: Հարկավոր է թխվածքաբլիթները լցոնել ատամի մածուկով, ինչը կստեղծի վանիլային կրեմի տպավորություն: Իսկ այժմ հյուրասիրեք ձեր ծանոթներին համեղ աղանդեր:
10. Եղունգների թափված լաք
Թափեք լաքը մոմած թղթի վրա: Երբ այն կչորանա, հարկավոր է զգուշորեն պոկել «բիծը» թղթից: Ապա պատրաստուքը լաքի սրվակի հետ միասին կարելի է դնել ցանկացած տեղ` ինչպես ամուսնու շապիկի, այնպես էլ` կնոջ կարևոր փաստաթղթի վրա:
Պատրաստեց՝ Վառվառա Օհանջը
Աղբյուրը՝ internews.info
