Արարատյան դաշտում, Արագածոտնի, Վայոց ձորի նախալեռնային գոտիներում և Երևանում վաղը ջերմաստիճանը կհասնի +38…+40 աստիճանի

Իրաքի շրջաններից արևադարձային տաք օդային հոսանքների ներթափանցմամբ պայմանավորված, Արարատյան դաշտում, Արագածոտնի, Վայոց ձորի նախալեռնային գոտիներում և Երևանում սեպտեմբերի 3-4-ը ցերեկային ժամերին օդի ջերմաստիճանը կհասնի +38…+40 աստիճանի։

Պայմանավորված բարձր ջերմային ֆոնով և տեղումների բացակայությամբ՝ հանրապետության նախալեռնային և հովտային գոտիներում սպասվում է բարձր կարգի հրդեհավտանգ իրավիճակ։

Սեպտեմբերի 3-ի ցերեկը և 4-ին սպասվում է առանց տեղումների եղանակ: Սեպտեմբերի 5-6-ը, 8-ի գիշերն առանձին շրջաններում և 7-ին շրջանների զգալի մասում սպասվում է անձրև և ամպրոպ:

Քամին՝ հարավ-արևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 15-18 մ/վ արագությամբ:

Օդի ջերմաստիճանը սեպտեմբերի 5-7-ը կնվազի 6-9 աստիճանով:

Ինչպես NEWS.am-ին հայտնում են «Հայպետհիդրոմետ»-ից, Երեւանում սեպտեմբերի 3-ի ցերեկը, 4-6-ը, 7-ի ցերեկը և 8-ին սպասվում է առանց տեղումների եղանակ: Սեպտեմբերի 7-ի գիշերը և երեկոյան ժամերին սպասվում է կարճատև անձրև և ամպրոպ:

Առաջիկա գիշերը մայրաքաղաքում կլինի +20 +22, վաղը ցերեկը՝ +37 +39։

Օդի ջերմաստիճանը մարզերում.

Շիրակում գիշերը՝ +10 +15, ցերեկը՝ +29 +34,

Կոտայքի լեռներում գիշերը՝ +11 +15, ցերեկը՝ +29 +32,

Կոտայքի նախալեռներում գիշերը՝ +18 +20, ցերեկը՝ +34 +37,

Սեւանա լճի ավազանում գիշերը՝ +9 +14, ցերեկը՝ +29 +32,

Լոռիում գիշերը՝ +10 +15, ցերեկը՝ +30 +35,

Տավուշում գիշերը՝ +14 +19, ցերեկը՝ +33 +37,

Արագածոտնի լեռներում գիշերը՝ +9+12, ցերեկը՝ +29 +32,

Արագածոտնի նախալեռներում գիշերը՝ +18 +22, ցերեկը՝ +33 +38,

Արարատում գիշերը՝ +17 +20, ցերեկը՝ +38 +40,

Արմավիրում գիշերը՝ +14 +17, ցերեկը՝ +36 +39,

Վայոց ձորի լեռներում գիշերը՝ +10 +14, ցերեկը՝ +29 +32,

Վայոց ձորի նախալեռներում գիշերը՝ +16 +19, ցերեկը՝ +38 +40,

Սյունիքի հովիտներում գիշերը՝ +16 +21, ցերեկը՝ +36 +40,

Սյունիքի նախալեռներում գիշերը՝ +10 +15, ցերեկը՝ +30 +34,

Լեռնային Ղարաբաղում գիշերը՝ +17 +22, ցերեկը՝ +34 +39։

Աղբյուրը