Արդեն 3 տարի է ինչ Կապանի մշակութային կյանքում իր տեղն է զբաղեցրել «Էքսպերիմենտալ» պարախումբը։ Խմբի ստեղծման գաղափարը կապանցի արտիստ Գեւորգ Հարությունյանինն էր, ով այդ տարիներին ղեկավարում էր Կապանի մշակույթի կենտրոնը, իսկ գեղարվեստական ղեկավարումը մինչ օրս ստանձնել է պարուսույց Ռուզաննա Խաչատրյանը։
«Ի սկզբանե անիրականանալի էր թվում նման ժանրի պարախմբի ստեղծումը Կապանում, անվանումից արդեն իսկ կարելի է ենթադրել, որ այն հերթական ստանդարտ խումբը չէր լինելու։Ինչևէ, համախմբելով քաղաքի ստեղծագործողների ողջ պոտենցիալը, ընտրվեցին պարային փորձ և ուսում ունեցող 6 լավագույն աղջիկներ։ Խումբը հիմնադրվեց, սկսվեցին պարապմունքները՝ պատրաստվելով առաջին ելույթներին»․- նշում է Գևորգ Հարությունյանը։
Իր հայրենի Կապան քաղաքում նման խումբ ունենալու գաղափարը Գևորգի մոտ տարիներ առաջ էր մտահղացել՝ Շանթ հեռուստաընկերությամբհեռարձակվող «Պարահանդես» ծրագրում հաղթանակ տանելուց հետո, և ահա տարիներ հետո այն իրականություն է արդեն։
Գևորգ Հարությունյանի խոսքով, նման ժանրի պարային խումբ ստեղծելն իր մեջ նաև մեծ ռիսկեր էր պարունակում։ «Էքսպերիմենտալ» -ը փորձարարական պարախումբ է, որը հանդես է գալիս ժամանակակից ոճում՝ հայկական և դասական էլեմենտներով։
«Այնուամենայնիվ, ի ուրախություն մեզ՝ խմբի առաջին իսկ ելույթներից հանդիսատեսը սիրեց ու ընդունեց այս նոր ձևաչափը։ Աղջիկների յուրաքանչյուր ելույթը հուզիչ էր և ինքնատիպ»,- ասում է Գևորգը։
Նախորդ տարվա սեպտեմբերի 25-ին«Էքսպերիմենտալ»-ըկապանցի հանդիսատեսիններկայացրեցիր առաջին շոու ներկայացումը՝ «Հոգու Էվոլյուցիա» խորագրով։
Խմբի մասնակցությամբ մի շարք տեսագրություններ ստորև՝
Առհասարակ, վերջին տարիներին, Կապանում սկսեցին ուշադրության կենտրոնում պահել արվեստը և մշակութային կյանքը, կարծես, նոր շնչով զարթոնք ապրեց։
2019թ.-ին Կապանում հիմնադրվեց նաև «Զանգեզուր» ժողովրդական պարի անսամբլը, որի հետ էլ լայն համագործակցություն ծավալվեց։ Ալ․ Սպենդիարյանի անվան Օպերայի և Բալետի ազգային-ակադեմիական թատրոնում կայացած «Վալենս» պարային համույթի 20 ամյակի միջոցառմանը «Զանգեզուր» ժողովրդական պարի անսամբլը ելույթ ունեցավ որպես երկրի հարավային մայրաքաղաքից հատուկ հրավիրված հյուր։
«Կապանը միշտ եզակի է եղել հանրապետությունում իր մշակույթով, լինելով մայրաքաղաքից հեռու, զրկված լինելով բազմաթիվ հնարավորություններից ստեղծագործող կապանցին միշտ գտել է միջոցներ իր մշակույթը զարգացնելու ու այն ներկայացնելու, «էքսպերիմենտալը» դրա վառ ապացույցն է և վստահ եմ, որ նման հաճելի անակնկալներ մեր մշակութային կյանքում էլի կլինի։ Պետք է նաև փաստեմ, որ մեր թե պարային խմբերը և թե բոլոր ստեղծագործողները միշտ եղել են համայնքի ղեկավարության հովանու ներքո, ինչի համար շնորհակալ ենք։
Առիթը օգտագործելովշնորհավորում եմ հանրապետության բոլոր պարային խմբերին և պարարվեստի բնագավառի ներկայացուցիչներին։Թող պարը զարգանա և իր ալիքի մեջ առնի բոլոր մարզերն ու քաղաքները։ Պարարվեստում նոր հաջողություններ գրանցվեն, ստեղծվեն նոր և տարատեսակ խմբեր>>,- հավելեց Գևորգ Հարությունյանը։
