44 պատանիներ ծաղիկներ կխոնարհեն Եռաբլուրում հանգչող հերոսների շիրիմներին «Զինվոր» կրթամարզական ՀԿ-ն ստեղծել է ռազմահայրենասիրական խմբակներ, որտեղ կարող են ըդգրկվել 15-18 տարեկան պատանիները:
Խմբակներում իրականացվող անվճար կրթական ծրագրի նպատակը ֆիզիկապես կոփված, բազմակողմանի զարգացած, հայրենիքը պաշտպանելու ունակ, ռազմահայրենասիրական ոգի ունեցող, ազգային արժեքներով ու գաղափարախոսությամբ դաստիարակված պատանիներ մեծացնելն է: Ծրագրի շահառու պատանիները հնարավորություն ունեն մասնակցելու կրակային ու ձեռնամարտի դասընթացների, զորավարժությունների, մրցույթների,տարբեր քննարկումների, արշավների, սովորել ցուցաբերել առաջին բուժօգնություն:
Կապանում, Երևանում և Արմավիրում արդեն գործում է 6 խմբակ, որտեղ պարապմունքներ են անցկացնում 120 պատանիներ։ Հունվարի 28-ին՝ Հայոց բանակի օրվա առթիվ «Զինվոր» կրթամարզական ՀԿ միջոցառումներ է նախատեսել:
ՀԿ-ի և Համլետ Պատուրյանի անվան մարզադպրոցի համագործակցությամբ 44 պատանիներ կայցելեն Եռաբլուր, քայլերթով ծաղիկներ կխոնարհեն հերոսների շիրիմներին: Ապա կշաժվեն Վաղարշապատ՝ մասնակցելու Մշակույթի պալատում կազմակերպվելիք միջացառմանը: Պատանիները ռազմական գիտելիքները կցուցադրեն զորավարժություններում:
