Մայիսի 23-ին տեղի ունեցավ «Լուսավոր Հայաստան» կուսակցության ղ 3-րդ համագումարը։
«Լուսավոր Հայաստան» կուսակցության ղեկավար էդմոն Մարուքյանը իր ելությում անդրադարձավ հայ-ադրբեջանական սահմանին տիրող իրավիճակին։ Նա ընդգծեց, որ կուսակցության դիրքորոշումը միանշանակ է՝ Ադրբեջանի զորքերը պետք է դուրս գան Հայաստանի Հանրապետության տարածքից։
«Ինչ վերաբերվում է սահմանային խնդիրներին, ապա, այո, դրանք կարող են քննարկվել ապագայում, բայց դրանք չեն կարող քննարկվել բռնության, սպառնալիքի, զենքի, ուժի ներքո։ Ամբողջ աշխարհով մեկ աղաղակում ենք, աշխատում ենք, զբաղվում ենք, տեղեկացնում ենք, իրազեկում ենք գործընկերներին, համախմբում ենք այս գործընթացում պնդելով, որ ինքնաձիգով չի կարող քննարկվել կողմերի դիրքը սահմանին»։
Խոսելով արտահերթ ընտրությունների մասին՝ Մարուքյանը նշեց, որ այս օրերին ներկա իշխանություններն ամենաշատն առաջ են քաշում այն թեզը, որ «նախկինները» գալիս են, այդ պատճառով պետք է իրենց ընտրել, որ նախկինները չգան: «Նախկիններն» ասում են, որ հեղափոխությունը շատ վատ հետևանքներ ունեցավ, ուստի ներկայիս իշխանությունները պետք է հեռանան, մենք գանք իշխանության և վիճակը շտկենք: Որպեսզի Հայաստանի ներքաղաքական ճգնաժամը հաղթահարվի, առաջարկել եմ բոլոր նախկին նախագահներին, բոլոր ուժերին առաջարկել եմ մի կողմ քաշվել, չմասնակցել այս պրոցեսներին և թույլ տալ, որ երկիրը շարժվի առաջ, որովհետև նրանց մասնակցությամբ, նրանց հակառեյտինգի շնորհիվ իշխանությունը միս ու արյուն է ստանում։ Այսօր մեզ համերաշխություն է պետք, մենք չեն ցանկանում, որ շարունակվի «գզվռտոցը», որը ոչ մի լավ տեղ չի տանելու: «Առանց համախմբվելու չենք վերականգնելու մեր բանակը, տնտեսությունը և այլն: Մեզ համերաշխություն է պետք: «Լուսավոր Հայաստանն» այդ համերաշխության շարժումն է»․ -ասաց Էդմոն Մարուքյանը:
ՀՀ ԱԺ ԼՀԿ խմբակցության պատգամավոր Տարոն Սիմոնյանը նշեց` մեր պետության հիմքն ու հենարանը պետք է լինի մարդ-քաղաքացին․
«Շատերը գուցե կասկածամտորեն են վերաբերվում նրան, որ այս իրավիճակում, երբ մենք այսքան կորուստներ ենք ունեցել, հնարավոր կլինի՞ ստեղծել մարդ անհատին, որ կունենա ազատ միտք, նվիրական վարք և քաջություն այս ամենը կենսագործելու համար: Բայց այդ անձինք կան նաև մեզանում: Նրանք ծնվում են, որ ապացուցեն՝ ամեն ավարտ ինչ-որ տեղ ունի նոր սկիզբ»։
