Քննչական կոմիտեում հարուցվել է քրեական գործ Գավառ քաղաքում երկու անձի սպանելու և չորս անձի հրազենային մարմնական վնասվածքներ պատճառելու, ինչպես նաև մի խումբ անձանց կողմից բռնությամբ և գույքը ոչնչացնելոց զուգորդված զանգվածային անկարգությունների դեպքերի առթիվ։
Գեղարքունիքի մարզում երեկվա արյունալի իրադարձությունները սկսվել են Գավառ քաղաքում։ Նորատուսի և Գավառի մի խումբ բնակիչների փոխհրաձգության հետևանքով երկու մարդ սպանվել է, մեկը Նորատուսի բնակիչ, մյուսը՝ Գավառի։ Եվս վեց մարդ վիրավորվել է։
Սպանվածների մարմիններն ու վիրավորները տեղափոխվել են Գավառի հիվանդանոց, ուր ժամեր անց հաշվեհարդարի նպատակով ներխուժել են մի խումբ անձինք։
«Հակառակորդ կողմերից մեկի հարազատները, ճեղքելով ոստիկանության պատնեշը, մտել են հիվանդանոց և սկսել են դռները, պատուհանները կոտրելով ման գալ մյուս կողմի ժողովրդին, որպեսզի վրեժ լուծեն», – պատմեց Գավառի հիվանդանոցի բժիշկ Արամ Ավետիսյանը։
Վիրավորներին ծայրահեղ ծանր վիճակում տեղափոխել են Երևան։ Ավետիսյանն ասաց, որ ինքը ներխուժածների մոտ մահակներ ու երկաթյա ձողեր չի տեսել։ Վիրավորներին ընդունելու պահից հիվանդանոցում ոստիկանական ուժեր եղել են, պարզապես ներխուժածների թիվը շատ մեծ է եղել։
Շարունակությունն այստեղ
