Անհրաժեշտ բաղադրիչներ
- սերուցքային կարագ – 80 գրամ
- շաքարավազ – 120 գրամ
- ձու – 2 հատ
- թթվասեր – 0 գրամ
- ալյուր 150 գրամ
- վանիլին -1 0 գրամ
- փխրեցուցիչ – 1 թեյի գդալ
Փշրանքների համար
- սերուցքային կարագ – 80 գրամ
- շաքարավազ – 80 գրամ
- ալյուր – 100 գրամ
- ելակ – 200 գրամ
- շագանակագույն շաքարավազ – 1 ճաշի գդալ
Պատրաստման եղանակը
Հալված կարագին ավելացնել շաքարավազ և վանիլին, ապա հարիչով հարել:
Հատ–հատ ավելացնել ձուն` խառնելով ամեն մեկից հետո, այնուհետև լցնել թթվասերը և խառնել: Կարելի է օգտագործել ցանկացած յուղայնության թթվասեր:
Խմորին ավելացնել ալյուրն ու փխրեցուցիչը, խառնել գդալով: Խմորը պետք է դառնա հարթ ու միատարր, ինչպես թանձր թթվասերը։
Տարայի մեջ լցնել խմորը, վրան դասավորել կտրատած ելակներն ու ցանել շագանակագույն շաքարավազը։
Փշրանքների համար սառը կարագը տրորել շաքարավազի և ալյուրի հետ։ Եվ ստացված փշրանքները լցնել խմորի վրա:
Ջեռոցը տաքացնել 180 աստիճան, և թխել թխվածքը 40-45 րոպե: Պատրաստման ընթացքում փայտիկը խրել խմորի մեջ ու ստուգել այն պատրաստ է, թե ոչ։
Երբ թխվածքը սառչի, կտրել այն փոքր կտորների և մատուցել: Ցանկության դեպքում կարելի է մի փոքր շաքարավազ շաղ տալ տորթի վրա:
Մեկ բաժակ տաք թեյ, մեկ կտոր համեղ ելակով թխվածք, և լավ երեկոն ապահովված է:
Բարի ախորժակ…
