Երբ անհրաժեշտություն է առաջանում արագ սնվել որևէ հագեցնող, համեղ և հեշտ պատրաստվող կերակուրով՝ Ձեզ օգնության կգա կարտոֆիլապանրային տափակաբլիթը: Այն շատ լավ նախաճաշ կամ ընթրիք կարող է լինել: Այս տափակաբլիթները հաճույքով ուտում են երեխաները և ամանից մաքրում՝ տղամարդիկ:
Բաղադրիչները
- 1 բաժակ 1 անգամյա մանրացմամբ (հատիկավոր) ալյուր;
- 0.5 բաժակ սպիտակ ալյուր;
- 0.5 թ.գ. փխրեցուցիչ;
- պտղունց սոդա
- 1 թ.գ. շաքարավազ
- 1 բաժակ յոգուրտ (կամ մածուն):
Միջուկի համար
- 4-5 միջին չափի կարտոֆիլ;
- 1.5 բաժակ քերած պանիր;
- 2 ճ.գ. կտրտած կանաչի;
- Պտղունց պղպեղ և աղ;
- Պտղունց քրքում;
- Սերուցքային կարագ՝ վրան քսելու համար:
Պատրաստումը
- Մաղել ալյուրը, ավելացնել բոլոր բաղադրիչները, հունցել խմորը, թողնել 20 րոպե: Պատրաստել 6 գունդ:
- Կարտոֆիլը խաշել, սառեցնել, մաքրել և քերել:
- Ավելացնել քերած պանիրը, համեմունքները, կանաչին, խառնել և պատրաստել 6 գունդ:
- Միջուկը փաթաթել խմորով, գրթնակել, տապակել չոր թավայի մեջ, վրան քսել սերուցքային կարագ:
Բարի ախորժակ:
