Օրվա բաղադրատոմսը․ Գազարով կարկանդակ

Քայլերի հաջորդականություն

1. Պահածոյացված անանասի հյութը լցնում ենք տարայի մեջ, ավելացնում ենք չամիչն ու այդպես թողնում 1-3 ժամ։
   
2. Գազարը մաքրում ենք ու անցկացնում մանր քերիչով։ Նարնջի կեղևը նույնպես անցկացնում ենք քերիչով, որից հետո քամում ենք հյութն ու ավելացնում ենք ստացված զանգվածին։
   
3. Գազարին ավելացնում ենք բլենդերով հարած անանասի հյութը, ավելացնում ենք չամիչը հեղուկի հետ միասին և բուսայուղը։ Մեղրը մի քիչ տաքացնում ենք, ավելացնում ստացված խառնուրդին ու խառնում ենք։
   
4. Ընկույզը մանր կտրատում ենք, ալյուրը, կակաոյի փոշին, օսլան, սոդան ու փխրեցուցիչն անցկացնում ենք մաղով և խառնում ենք։
   
5. Ալրային ու գազարի զանգվածները խառնում ենք, ձևամանը պատում ենք յուղաթղթով ու բուսայուղով։
   
6. Խմորը լցնում ենք ձևամանի մեջ, հավասարապես տարածում ու դնում ենք ջեռոցի մեջ։ Թխում ենք 1 ժամ նախօրոք 180 աստիճան տաքացրած ջեռոցում։ Պատրաստ լինելուց հետո հանում ենք ջեռոցից, թողնում ենք, որ սառչի, ապա հեռացնում ենք յուղաթուղթը։
   
7. Պատրաստում ենք գլազուրը, որի համար շաքարի փոշին խառնում ենք նարնջի հյութի հետ, տաք վիճակում լցնում ենք կարկանդակի վրա ու թողնում ենք, որ 2 ժամ սառչի։