«Փնթիկ Պիցակերյանը իր գոհունակությունն է արտահայտել կատարված հետաքննության արդյունքների մասով եւ»…))) Հովսեփ Խուրշուդյան

9

Ինչպես հաղորդում է իր ֆեյսբուքյան էջում Փնթիկ Պիցցակերյանը, այսօր իր եւ թաղի մյուս բոլոր բնակիչների երկու տարեկան երեխաներին փողոցում մոտեցել է 42-ամյա, փչացած եվրոպական արտաքինով մի կին եւ նվիրել է “Անբարոյականության եւ պղծության հիմունքներ” գիրքը:

Ինչպես նշել է օգտատերը՝ ակնհայտ է, որ սա հեղափոխության հետեւանքներն են. ո՛չ մեծն եւ խիստ ազգային Ռոբերտ Քոչարյանի եւ ո՛չ էլ խիստ պարկեշտ ու պահպանողական Սերժ Սարգսյանի օրոք նման պղծություններ եւ այլասերումներ ոչ ոք չէր համարձակվի տարածել: Այս խիստ հավաստի լուրը անմիջապես տարածել են tert.am, news.am, lurer. com, 168.am, ponarama.am, hayeli.am եւ մյուս խիստ պատասխանատու եւ անկաշառ լրատվամիջոցները: Այս ապոկալիպտիկ խայտառակության մասին ԱԺ ամբիոնից խրոխտ կեցվածքով բարձրաձայնել են Բարգավաճ Հայաստան խմբակցության պատգամավորները՝ Հայաստանում բարոյականության, ազնվության, պատասխանատվության եւ անաչառության այդ վերջին բաստիոնի կարկառուն ներկայացուցիչները, պահանջելով “ձեռքերդ դե՛ն քաշեք մեր սուրբ ազգից, մեր մանուկներից”:

Ոստիկանության օպերատիվ գործողությունների արդյուքնում, սակայն, պարզվել է, որ որեւէ մեկը որեւէ գիրք չի բաժանել, որ Փնթիկ Պիցցակերյանի ոչ թե երկու տարեկան երեխան, այլ վերջինի տատիկը գտել է այդ գիրքը աղբամանում, ուր այն մինչ այդ դրած է եղել ինքը պարոն Պիցցակերյանը:
Փնթիկ Պիցակերյանը իր գոհունակությունն է արտահայտել կատարված հետաքննության արդյունքների մասով եւ հայտարարել, որ այժմ ինքը եւ ամբողջ հայ ազգը կարող են հանգիստ քնել, քանի որ մեր երեխաներին այլեւս ոչինչ չի սպառոնւմ: Մինչ մյուս բացահայտումներ:

Վարագույր:

Հեղինակ՝ Հովսեփ Խուրշուդյան

Ինչպես հաղորդում է իր ֆեյսբուքյան էջում Փնթիկ Պիցցակերյանը, այսօր իր եւ թաղի մյուս բոլոր բնակիչների երկու տարեկան…

Gepostet von Hovsep Khurshudyan am Donnerstag, 28. Mai 2020