Պատիվ ունեմ
Վերջին երկու-երեք ամսում առնվազն նույնքան անգամ շրջանառության մեջ դրվեց Ազգային անվտանգության ծառայության արդեն նախկին պետ Էդ Մարտիրոսյանի պաշտոնանկման լուրն ու առնվազն նույնքան անգամ հերքևեց «պատիվ ունեմ» բարձրադղորդ հավաստումով։
Երկու օր առաջ վարչապետ Նիկոլ Փաշինյանի նշանակմամբ Հայաստանի ազգային անվտանգության ծառայությունն ունեցավ նոր պետ, ում գալն արդեն նախկինն արժևորեց խոնարհ ու հլու հեռանալով, սակայն գնալուց առաջ այդպես էլ մոռանալով հավաստել «պատիվ ունենալու» փաստը։
«Պատիվ ունենալու» փաստը չհավաստելը և կամ դրա մասին հավաստելը մոռանալը շատ մեկնություններ կարող է ունենալ, առանձնացնենք երեքը՝
ա ամաչել էր հասարակությանը երկու-երեք ամիս շարունակաբար մոլորեցնելու,
բ նեղացել էր այդպես էլ գեներալական ուսադիրների չարժանանալու,
գ հասկացել էր, որ «պատիվ ունեմ»-ը շատ ավելի խորքային հասկացություն է բառերի սովորական համադրություն լինելու համար։
Մարտին ՀՈւՐԻԽԱՆՅԱՆ
