Այսօր Հյուսիսային պողոտայում նախընտրական քարոզարշավի ավարտական հավաքի ժամանակ ելույթ ունեցավ «Բարգավաճ Հայաստան» կուսակցության նախագահ Գագիկ Ծառուկյանը: Նա հայտարարեց, որ քարոզարշավի ժամանակ իր թիմի վրա տարբեր ուղղություններով «ցեխ են շպրտել»։
«Պարզ ա, մենք պատասխանը տվել ենք, մենք ցանկացածին կարանք պատասխանենք։ Բայց ուժեղ մարդը միշտ համեստ է, միշտ չափի մեջ է։ Միայն թույլը, որ ասելու բան չունի, կարող է ցեխ շպրտել։ Մենք գործի մարդ ենք»,- ասաց Ծառուկյանը՝ համոզմունք հայտնելով, թե չի կարելի երևանցիներին մասնատել մասերի, քանզի «միասնության մեջ է ուժը»։
Մարդը եթե իր աշխատանքը լիարժեք կատարում է, կարաս տեղ տաս, եթե չի կատարում, պետք է հեռացնես նրան:
Ում կցանկանաք, նրան էլ ձեր ձայնը տվեք, այդ հնարավորությունը ձերն է, ոչ մեկին խաթըր անելու խնդիր չկա, խաթըր անելով ձեր տունը չեք լուծի, ձեր հարցերը չեք լուծի, դա ձեր ապագայի խնդիրն է: Մենք կհաղթենք, թող մեզ շնորհավորեն, ուրիշը կհաղթի, մենք կշնորհավորենք:
Երևանցիներին ու համայն հայությանը շնորհավորում եմ մեր անկախության կապակցությամբ»:
