Փաշինյանը «պատերազմ է հայտարարել» Սամվել Ալեքսանյանին

957

Ըստ մամուլի հրապարակումների՝ երեկ գործարար, պատգամավոր Սամվել Ալեքսանյանը իր ընկերության դեմ ԱԱԾ կողմից իրականացված գործողություններից
հետո հայտարարել է, որ կարող է իր սուպերմարկետների ցանցում գները բարձրացնել ու այդ կերպ խնդիրներ ստեղծել Փաշինյանի կառավարության համար: Այս հրապարակումներից ժամեր անց հայտնի դարձավ, որ մի շարք ապրանքատեսակների գներ թանկացել են Ալեքսանյանին պատկանող սուպերմարկետների ցանցում:

Օրվա ավարտին այս թանկացումներին անդրադարձավ վարչապետ Նիկոլ Փաշինյանը՝ իր ֆեյսբուքյան էջում գրելով. «Նրանք ովքեր ուզում են արհեստական թանկացումներով ապացուցել, թե ապօրինությունն ավելի լավ է, քան օրինականությունը, շատ արագ իրենց վրա կզգան օրինականության համոզիչ ուժը: Բոյկոտեք թալանչիներին եւ կոռուպցիոներներներին»:

Փաստորեն վարչապետ Փաշինյանը «պատերազմ է հայտարարել» պատգամավոր Սամվել Ալեքսանյանին ու փորձում է բոյկոտի միջոցով ստիպել Ալեքսանյանին վերադառնալ օրինականության դաշտ:

 

Աղբյուրը՝