ԶԱԳՍ… ամուսնությունների ընթացակարգ, երեխայի ծնունդ, բաժանություններ… պարզենք գեղեցկուհի Սիրանուշ Միրզոյանից

342

Երեխայի ծնունդ, ամուսնության գրանցում, մահ, զանազան տեղեկանքների տրամադրում, կյանքի կարևորագույն հարցեր. (ԶԱԳՍ)
Ամուսնություն գրանցելու համար պահանջվող փաստաթղթերի, ժամկետների, արդյոք աճել թե՞ նվազել են ամուսնություններն ու ամուսնալուծություններն․ այս և այլ հարցերի շուրջ InterNews.info-ն զրույց է պատրաստել Քաղաքացիական կացության ակտերի գրանցման մարմնի տասնվեց տարվա Կենտրոնի և Նորք Մարաշի, բոլորովին վերջերս Աջափնյակի և Դավթաշենի ՔԿԱԳ տեղափոխված տարածքային բաժնի մասնագետ, գեղեցկուհի՝ ինչպես մեր հարցազրույցի պահին նշեցին ներկաները՝ ժողովրդական լեզվով ասած ձեռքը խերով, հարսիկների կողմից շատ սիրված ու պահանջված Սիրանուշ Միրզոյանի հետ:

-Բարև Ձեզ Սիրանուշ, ասեք խնդրեմ ի՞նչ փաստաթղթեր են անհրաժեշտ Քաղաքացիական կացության ակտեր գրանցող մարմիններում (ԶԱԳՍ) ամուսնություն գրանցելու համար և ովքե՞ր կարող են ամուսնություն գրանցել։

– Բարև Ձեզ։ Շնորհակալ եմ այս կարևոր և հաճելի թեմային անդրադառնալու համար։ Ասեմ, որ ամուսնություն կարող են գրանցել 18 տարին լրացած անձինք։ Դրա համար անհրաժեշտ է միայն, որ զույգը ներկայանա իրենց անձնագրերով, եթե դա նրանց առաջին ամուսնությունն է և ՀՀ քաղաքացիներ են։ Օտերերկրյա քաղաքացիների համար կա նաև լրացուցիչ փաստաթղթերի ցանկ։

-Վերջին շրջանում Հայաստանում ԶԱԳՍ այցելողների թիվն աճել, թե՞ նվազել է։ Կա՞ արդյոք վիճակագրություն։

-Ամռան ամիսներին ամուսնությունների թիվն ավելի է աճում: Ներկա պահին կոնկրետ վիճակագրություն չեմ կարող նշել, սակայն կարող եմ ասել, որ այո միանշանակ աճել է։

 

-Կարծես թե ընդունված է ԶԱԳՍ-ի արարողությունն իրականացնել հանդիսությունների վայրում, այնպես չէ՞։

-Այո շուրջ քսան տարի է ինչ դա ընդունված է հասարակության շրջանում։ Ինչպես վերը նշեցի, կարող են ամուսնություն գրանցել աշխատանային օրերին, ավելացնեմ, որ կան նաև բացառություններ, երբ քաղաքացին ցանկանում է ոչ աշխատանքային օր գրանցել իր ամուսնությունն՝ օրինակ հենց հարսանիքի օրը, դա ևս հնարավոր է։ Սա հնարավորություն է տալիս, զույգերին հյուրերի հետ միասին նշել իրենց կյանքի կարևորագույն, հիշարժան իրադարձություններից մեկը։ Ըստ իս դա հանդիսանում է արարողության հենց կորիզն՝ ականատես լինել, միասին տոնել։ Դրա համար պետական բյուջե պետք է վճարել 50․000 ՀՀ դրամ։

-Ես գիտեմ, որ դուք ամենապահանջված այսպես ասած կարևոր հյուրն եք՝ վարողն այնպես չէ՞։
(Ժպտում է և ավելացնում)

-Համեստություն չանեմ և հաստատեմ Ձեր ասածն։ Այո, հաճախ եմ հրավիրվում կատարելու այդ կարևոր պարտականությունն, ինչն անում եմ մեծ սիրով ու պատասխանատվությամբ։

-Բաժանություններից խոսենք, ավելի շատ ամուսնանում են թե՞ ամուսնալուծվում։ Կա՞ վիճակագրություն։

-Բարեբախտաբար մեր հայ ազգում այլ ազգերի համեմատ քիչ են բաժանություններն, ավելի շատ ամուսնություններ են գրանցվում, ինչը ինձ շատ ոգևորում է։

-Այլ երկրների քաղաքացիներն իրավունք ունեն՞ ամուսնություն գրանցել Հայաստանում ու ի՞նչ է անհրաժեշտ ծառայությունից օգտվելու համար կարգը, պահանջվող փաստաթղթերը, ժամկետները և այլն։

-Սահմանափակումներ չկան և՛ ՀՀ քաղաքացիները, և՛ օտարերկրյա քաղաքացիները սպասարկվում են նույն ձևով, տարբերությունը միայն նրանում է, որ օտարերկրյա քաղաքացիներն ամուսնության դիմումն՝ ինչպես արդեն վերը նշեցի, անհրաժեշտ փաստաթղթերի ցանկն է՝ այդ թվում իրենց երկրից մինչ այդ ամուսնության բացակայման տեղեկանքը։

 

-Ծննդյան վկայականի տրամադրման գործընթացի հետ կապված փոփոխություններ կա՞ն, որքանո՞վ է հեշտացվել:


-ՀՀ ցանկացած քաղաքացի երեխայի ծնունդը կարող է գրանցել, որոշ հիվանդանոցներում, ի տարբերություն դրան բարելավումն այն է, որ մեզ մոտ՝ ԶԱԳՍ-ում այդ գործընթացը շատ արագ է տևում, քանի որ էլեկտրոնային է և տեղում տրամադրում ենք ծննդյան վկայականը։
Քաղաքացին ներկայանում է իր հետ բերելով բժշկակական տեղեկանքն, անձնագրերն, ամուսնության գրանցման վկայականն։ Այս ամենը բավարար է, որպեսզի հայրը միայնակ ներկայանա և գրանցի երեխայի ծնունդը:

ԲԼԻՑ ՀԱՐՑԵՐ
   -Այժմ դուք որպես անհատ

                   Ընտրեցի այս մասնագիտությունը քանի որ․․․

Սիրով (ժպտում է)։ Իրավաբանի մասնագիտությունը ընտրել եմ մանկուց։ Չնայած նրան, որ տասներեք տարի պարի եմ հաճախել և շատ սիրել եմ, սակայն որոշեցի, որ ինձ ավելի լուրջ մասնագիտություն է անհրաժեշտ, իսկ պարը կարող է մնալ որպես հոբբի։ Խոչընդոտող չկար և ես ի կատար ածեցի իմ մանկակության ցանկությունը։ Ընդունվել և ավարտել եմ ԵՊՀ-ի իրավաբանական ֆակուլտետն, աշխատել եմ արժեթղթերի հանձնաժողովում, Հայաստանի Կենտրոնական Դեպոզիտարիայում, կենտրոն վարչական շրջանում՝ որպես իրավաբան։ Վերջին տասնվեց տարին արդեն այս գեղեցիկ ոլորտում եմ։ Հաճախ եմ առաջարկ ստանում նկարահանվելու ֆիլմերում, գովազդներում, անկեղծ ասած ցանկությունս մեծ է, սակայն լինելով պետական ծառայող ստիպված եմ հրաժարվել։ Ամուսնացած եմ ունեմ մեկ դուստր։

            Սիրում եմ աշխատանքս քանի որ․․․

Շատ-շատ եմ սիրում իմ աշխատանքը։ Յուրաքանչյուր քաղաքացու հետ վերապրում եմ իրենց ուրախ նաև տխուր ու դժվար առիթներն, օրերը, փորձում լուծում գտնել իրենց խնդիրներին, ինչպես նաև նոր մտքեր առաջարկել իրենց ուրախություններին։

     Մարդու մեջ կարևորում եմ․․․

Մարդու մեջ կարևորում եմ բարությունը, բարի կամեցողությունը։ Միայն բարությամբ կարելի է հասնել գեղեցիկին, գեղեցիկ արժեքներին։ Չար մարդն ինքն իր թշնամին է, նա վնասում է նախ և առաջ ինքն իրեն։

 

                                    Կյանքիս նշանաբանն է․․․

Կյանքի իմ նշանաբանն է՝ սովորեք ապրել ներկա պահով։ Գիտեք, կյանքը հենց այն պահն է, ինչ կատարվում է ներկա պահին։ Մենք սովոր ենք մտածել վաղվա օրվա մասին՝ մոռանալով, որ կյանքը այս պահին է ընթանում։

                 Կայուն հարաբերութկան հիմքը դա․․․

Կարծում եմ կայուն հարաբերությունների հիմքը դա նորից ու նորից վերասիրահարվելն է նույն քո ընտրած անձին։ Հարաբերությոնները պետք է ազնիվ, մաքուր ու պարզ, թարմ պահել։ Ամուսնությունը շատ է փոխում մարդկանց, և տղային և աղջկան, պետք չէ թույլ տալ, որ այդ փոփոխությունը բացասական լինի։ Պետք է ազնիվ սիրով աճել, զարգանալ։

                                  Սերը դա…

Սերը դա մի մեծ աշխարհ է,  որը դու կառուցում ես քո հոգու և ուղեղի մեջ։ Դու ես այդ աշխարհի տիրակալը և հենց քեզանից է կախված քո սիրո ուժգնությունը։ Եվ վերջապես սիրո խոսքերը շատ մեծ նշանակություն ունեն։ Սերը այն է, ինչի շնորհիվ մենք կանք։ Սեր, սեր, սեր ահա գաղտնիքը։

      Ամուր հարաբերության հիմքը դա…

Ամուր հարաբերության հիմքը դա համատեղ ցանկացած խնդրի հաղթահարումն է, երկուսով մեկ նպատակ ուննալը, նախասիրություններն ու միմյանց ընդունելը, վստահելն ու սիրելը։

                            Ստել կարելի է եթե…

Ստել կարել է եթե դա այսպես ասած բարի սուտ է, կամ կատակ։ Ամենակարևորը ինքդ քեզ հետ ազնիվ լինես։ Լինում են նաև դեպքեր, երբ ստում են հարաբերությունները փրկելու համար, եթե մարդ գիտակցում է իր սխալը, ապա արժե ներել։

                          Պետք է զիջել եթե…

Պետք է զիջել, ավելին անհրաժեշտ է զիջել, եթե ցանկանում եք պահել այն, ինչ ստեղծել եք երկուսով, եթե ուզում եք մնալ կյանքում միմյանց հետ։ Սիրո մեջ անընդունելի է գոռոզությունն, ինքնահավանությունն և մրցակցությունն՝ ում խոսքն է վերջինը, դա զույգերի մեջ կյանքի ամենամեծ սխալն է։ Փոխզիջման արդյունքում կունենաք գեղեցիկ, կայուն, երկարատև և արդյունավետ հարաբերություններ։

Պատրաստեց՝  ԷՄՄԱՆ