Կայացավ Տիգրան Չուհաճյանի մոռացված օպերաները. Համերգ-շնորհանդեսը

13

Յուրօրինակ կատարումներ, մոռացված օպերաներ, հոգևոր սնունդ…

Տիգրան Չուհաճյանի Միջազգային ինստիտուտը, Երիտասարդ օպերային երգիչների ծրագիրը և ՀԲԸՄ Հայաստանյան գրասենյակը Հոկտեմբերի 21-ին կազմակերպել էին համերգ-շնորհանդես, նվիրված հայ մեծագույն երաժիշտ, կոմպոզիտոր, հայկական օպերայի հիմնադիր Տիգրան Չուհաճյանին։

Հանդես եկան Երիտասարդ օպերային երգիչների ծրագրի մասնակիցները Լևոն Ջավադյանի ղեկավարությամբ, ինչպես նաև մենակատարներ Մարինե Դեինյանը /սոպրանո/ և Հայկ Թոնգուրյանը /տենոր/։ Կոնցերտմայստեր՝ Լևոն Ջավադյան։

Տիգրան Չուհաճյանը, ի լրումն իր հարուստ երաժշտական գործունեության, նաև հեղինակել է առնվազն վեց օպերա, որոնցից մեզ առավել հայտնի են «Արշակ Բ»-ն և «Կարինեն» («Լեբլեբիջի Հոր-Հոր Աղա»)։

Երեկոյի ընթացքում ներկայացվեցին արիաներ Չուհաճյանի մյուս օպերաներից, իսկ Տիգրան Չուհաճյանի Միջազգային ինստիտուտի տնօրեն, ռեժիսոր Ժիրայր Բաբազյանի և միևնույն ինստիտուտի երաժշտական խմբագիր, կոմպոզիտոր Ջոն Սարգսյանի կողմից բացահայտվեցին որոշ հետաքրքիր մանրամասներ։

Ի դեպ մուտքն ազատ էր։