Մանրամասներ համացանցում բուռն քննարկման թեմա դարձած Ամիրյանի «վրաերթից»

363

Նիկոլ Փաշինյանի հրաժարականը պահանջող քաղաքացիները նոյեմբերի 18-ին անհնազանդության ակցիաներ էին իրականացնում Երևանի փողոցներում։

Համացանցում տեսանյութ է տարածվել, ըստ որի վարորդը կարծես թե ճանապարհն արգելափակած ցուցարարներից մեկին վրաերթի է ենթարկում:

InterNews.info-ն կապ հաստատեց վարորդի՝ Գարիկ Բախշյանի հետ ով նշեց․

-Նոր էի վերադառնում Լաչինից, տեղափոխում էի, արցախցիների իրերը։ Շտապում էի աշխատանքի վայր։

Այդ ընթացքում վարորդը առաջին անգամ Դավիթ Բեկ փողոցում բախվում է ցուցարարներին, խնդրում է որպեսզի բացեն ճանապարհը։ Վերջինս շրջանցում է նրանց։

Շարունակելով ճանապարհը երկրորդ անգամ Գարիկը կրկին բախվում է նույն ցուցարարներին՝ Մաշտոց Ամիրյան հատվածում։

-Սկզբում, խնդրեցի բացեն ճանապարհը, սակայն խնդրանքս անտեսված մնաց։ Ապա ասեցի որտեղից եմ գալիս և ինչ նպատակով, բարեբախտաբար նկատեցի, որ դժվարությամբ, սակայն ցուցարաները բացում են ճանապարհը։

Վրդոմունքս հոգնածությունս ու շտապումս միախառնված, վարեցի մեքենան, ուշ նկատելով, որ ցուցարարներից մեկը մեքենայի շարժվելիս կախվել էր մեքենայից ինչի արդյունքում ստացվել է նման պատկեր։ Դեպքից հետո անձամբ ներկացյել եմ ոստիկանություն։ Կնխդրեի լրատվամիջոցներին անհիմն վերնագրերով, իրենց դիտումներն ապահովելու համար, ապատեղեկատվություն չտարածեն։