Ազգային կինոկենտրոնում ջանասիրաբար կոծկվում են կորոնավիրուսի հաստատված դեպքերը և մեկուսանալու փոխարեն շարունակվում են հաճախումները աշխատանքի. Սաթիկ Ստեփանյան

10

Ազգային կինոկենտրոնում ջանասիրաբար կոծկվում են կորոնավիրուսի հաստատված դեպքերը և մեկուսանալու փոխարեն շարունակվում են հաճախումները աշխատանքի:

Հայաստանի ազգային կինոկենտրոնի երկու աշխատակիցների, այն էլ ընտանյոք հանդերձ, կորոնավիրուսով վարակված լինելու հանգամանքը հաշվի չառնելով, կինոկենտրոնի տնօրենի ժամանակավոր պաշտոնակատարը միտումնավոր թաքցնում է անհերքելի փաստերը:

Կարելի՞ է ենթադրել ինչու:

Իհարկե՝ վախենում է պատասխանատվությունից, որը սահմանվել է ՀՀ կառավարության կողմից, Հայաստանում համաճարակի ահագնացող վտանգի դեմն առնելու համար:

Ազգային կինոկենտրոնը մշակութային կառույց է և ինչպես հայտարարվել էր կառավարության կողմից ու նույնիսկ պարտադրվել, որ նման կառույցները չաշխատեն կամ աշխատեն հեռավար ձևաչափով, ինչին փաստորեն չի ենթարկվում կինոկենտրոնի ժ/պ տնօրենը: Ազգային կինոկենտրոնի ներկայիս գործառույթները ընդամենը էլեկտրոնային նամակագրություններ են կինոնախագծերի հայտատուների հետ, հաշվապահություն և դատական պրոսեցների մեջ խրված կառույցի փաստաիրավաբանական գրագրություններ:

Ո՞րն է անհրաժեշտությունը, որ այս պրիմիտիվ գործառույթների համար 2 տասնյակ աշխատակիցների առավոտից մինչև ժամը 18:00-ն, ժ/պ տնօրենը պարտադրում է ներկայանալ աշխատանքի:

Արդյունքը ժ/պ տնօրենի և նրա տեղակալի անբարեխիղճ, մարդկային ճակատագրերի հանդեպ անպատասխանատու և էգոիստ վերաբերմունքի դրսևորումը COVID-19-ի օրեցօր ավելացող վարակակիրների թվի համալրումով:

Հետևությունները թողնում եմ պատկան մարմիններին:

Nikol Pashinyan / Նիկոլ ՓաշինյանArayik HarutyunyanTigran Avinyan / Տիգրան ԱվինյանՄխիթար Հայրապետյան / Mkhitar HayrapetyanAnna Kostanyan