Վոլոդիմիր Զելենսկին հայտարարել է, որ Ուկրաինային անհրաժեշտ է այն ամբողջ զենքը, որը նա խնդրում է, այլ ոչ թե այն, ինչ նրան տալիս են՝ գրում է РИА Новости-ն։
Այդ մասին Զելենսկին ասել է Համաշխարհային տնտեսական ֆորումում ելույթի ժամանակ։ Նա նաև նշել է, որ Ուկրաինայի բյուջեն ամեն ամիս 5 միլիարդ դոլարի օգնության կարիք ունի։
Ռուսաստանը փետրվարի 24-ին ռազմական գործողություն սկսեց Ուկրաինայում, որի նպատակը, ըստ նախագահ Վլադիմիր Պուտինի, «պաշտպանել մարդկանց, որոնք ութ տարի շարունակ ենթարկվել են Կիևի ռեժիմի բռնությանն ու ցեղասպանությանը»: Դրա համար, ըստ ՌԴ նախագահի, նախատեսվում է իրականացնել «Ուկրաինայի ապառազմականացում և ապաազգայնականացում», պատասխանատվության ենթարկել բոլոր ռազմական հանցագործներին, որոնք պատասխանատու են Դոնբասում «քաղաքացիների դեմ արյունալի հանցագործությունների համար»։
