OPERA.TV-ի 10․04․2020 թվագրությամբ յութուբյան հեռարձակումում Արա Խզմալյանն ասում է /տե՛ս՝ 14․45-ից/․ «Ես վերջերս եղա Պոտսդամի համալսարանում և ներսից հասկացա, թե ինչ է կինոկրթությունը։ Ես հասկացա, որ կինոկրթությունը չի կարող անջատված լինել կինոարտադրությունից»։
Այս պահին «կինոկրթությունը չի կարող անջատված չլինել կինոարտադրությունից» նրա արած դատողությունը թողնենք մի կողմ՝ հետագայում անդրադառնալու պայմանով ու դառնանք խոսքի առաջին մասին։
Արա Խզմալյանը 40 տարեկան է։ Մեկ տարի է, ինչ ՀՀ ԿԳՄՍ փոխնախարար է։ Պոտսդամի համալսարանում եղել է այս տարի, փետրվարի երրորդ տասնօրյակում, Բեռլինալեի շրջանակներում։ Պատկերացնում ե՞ք՝ եթե մարդուն իր նշած համալսարանում լինելու երջանկությունը չվիճակվեր, այդպես էլ կինոկրթությունից գաղափար չէր ունենալու, թեպետ նրա համակարգմանն է հանձնված կինոոլորտը։
Ի՞նչ է ստացվում։ Ստացվում է, որ բանից անտեղյակ հերթական մեկին բերել, պատկերավոր ասած, կինոյի գլխին քավոր են կարգել, ու մեր ողջ հույսն այն է, որ այս ընթացքում այդ մարդն իր սպասարկելիք ոլորտից պիտի գաղափար կազմի, պատկերացումներ ունենա։
Ահա սա՛ է մեր իրականությունը։ Արախզմալյաններն են մեր իրականությունը։
Արա Խզմալյանի մասին այլ ասելիքները` հաջորդիվ
Աղբյուրը՝ https://www.facebook.com/photo.php?fbid=2000270596771764&set=a.245338755598299&type=3&theater
