Կալիֆոռնիա նահանգի Լոս Անջելեսի շրջանի Գլենդել քաղաքում կայացավ «UsArmenia» հեռուստաընկերությամբ հեռարձակվող Սոս Կարապետյանի թվով 11-րդ հեռուստատեսային նախագծի՝ «SosAngeles» կատակերգական հեռուստասերիալի վերջին սերիայի դիտման հանդիսավոր արարողությունը։
Միջոցառմանը ներկա էին Լոս Անջելեսից ու Հայաստանից ժամանած մշակութային գործիչներ, ինչպես նաև ֆիլմի ստեղծագործական աշխատանքում իրենց ներդրումն ունեցած հովանավորներն ու գործարարներն, որոնք թվով 40-ից ավել էին։
Աշխարհի տարբեր երկրների կողմից արձանագրված դիտումները վառ ապացույցն էին այն բանի, որ «SosAngeles» հեռուստասերիալը հեռուստադիտողների կողմից սիրված և հերթական հաջողվածն էր։
InterNews.info-ի հետ ունեցած զրույցում շնորհակալություն հայտնելով հովանավորներին Սոս Կարապետյանը հայտարարեց․
-Անելիքները շատ են, բացեմ փակագծերն և ասեմ, որ արդեն աշխատում ենք նոր կատակերգական հեռուստասերիալի վրա՝ «AppSos»։ Աշխատանքների մեկնարկն արդեն տրված է։ Սա էլ անակնկալը մեր երկրպագուներին։
Ստեղծագործական կազմը վստահ է, որ սա՝ ինչպես և նախորդները, կլինի հաջողված։
Միջոցառման վերջում հյուրերին բաժանվեցին ֆիլմի անվան մակագրությամբ հուշանվեր գավաթներ։
Ֆիլմի պրոդյուսերը հենց ինքը՝ Սոս Կարապետյանն էր,
Ռեժիսորը՝ Հարություն Շատյանը
Սցենարի հեղինակը՝ Անի Մաղքյանը
