InterNews.info-ն զրույց է պատրաստել բիոէներգետիկ, «ՆԱՆԷ» պահապան զարդերի հեղինակ Մարիա Մակարյանի հետ։
– Բարև Ձեզ Մարիա, ես գիտեմ դուք այսպես ասած մի յուրահատուկ արվեստով եք զբաղվում, խնդրեմ մանրամասնեք, առհասարակ ի՞նչ դեր ունեն քարերը մեր կյանքում։
– Բարև Ձեզ։ Շնորհակալ եմ հրավերի համար։ Մենք ապրում ենք քարերի երկրում, և մեր ժառյոտ երկրում բոլորիս կյանքում մեծ դեր ունեն քարերը։ Եթե ներկայացնեմ իմ մասնագիտության՝ բիոէներգետիկայի տեսանկյունից, ապա քարերը բյուրեղներ են, որոնց «հիշողության» մեջ պահպանվում է ինֆորմացիա, և ունեն էներգետիկ ազդեցություններ։ Բյուրեղներում գրանցված և պահպանված է բնության ներդաշնակությունը։ Բնական քարերը մեզ են դա փոխանցում նուրբ ոլորտում։
Դրանք ունեն իրենց անհատական վիբրացիոն համակարգը, որով էլ ազդում են մեզ վրա։ Մենք էլ՝ իրենց վրա։ Մենք մեր մտահուզական էներգետիկ թրթիռներն ենք տարածում մեզ շրջապատող տարածության մեջ, իսկ քարերը գտնվում են հենց այդտեղ և կլանում են այդ թրթիռները։ Ստացվում է, որ մենք փոխազդում ենք միմյանց վրա։ Քարերի էներգիան ավելի հզոր և կայուն է, քան մարդունը, քանի որ մենք ավելի նուրբ սուբստանցիա ենք։
– Ինչպես է Ձեզ մոտ ստացվում աշխատանքը քարերի հետ և ինչո՞վ են առանձնանում Ձեր պատրաստած թևնոցներն ու թալիսմաները։
-Մեր՝ ժամանակակից կյանքի այսպես ասած սուետա պայմաններում պահպանել մեր էներգետիկ դաշտի ամբողջական և ներդաշնակ վիճակը՝ հնարավոր չէ։ Այդ հարցում ինձ օգնության են եկել բնական քարերը։ Քարերը ունեն իրենց բուժական և մոգական հատկությունները։ Այս մասին մեզ են հասել դարերով պահանված տեղեկություններ։ Ակտիվացնել այդ հատկություններն առանց մաքրելու քարերի էներգետիկան գրեթե անհնար է։ Բնական քարերը կլանում են բոլոր մարդկանց մտահուզական ինֆորմացիան ու թրթիռները՝ սկսած քարը արդյունահանողից, մինչև՝ վաճառող։
Այդ իսկ պատճառով դա պետք է մաքրվի, որպեսզի լիարժեք ակտիվանան քարի բնական հատկություները, և մաքուր էներգետիկայով դառնա թալիսման։ Իմ առաջին գործը քարերի էներգետիկ մաքրումն է, որից հետո սկսվում է արարման պահը։ Քարերի հնարավորությունները ես հազարապատիկ ուժեղացնում եմ և իմ գիտելիքներով ու կարողություններով դրանց տալիս եմ լույսի ուժերի արարչական թրթիռներ։
Ես պատրաստում եմ չարխափաններ, թալիսամաններ, պահապան և օգնական զարդեր, կենաց ծառեր։ Կենաց ծառերը նախատեսված են ինչպես անհատական, այնպես էլ տան, ընտանիքի, կամ գրասենյակների համար։ «ՆԱՆԷ» մեթոդներով բնական քարերից պատրաստված կենաց ծառերի քարերը կրում և տարածում են այն ինֆորմացիան որը անհրաժեշտ է ներդաշնակության, սիրո կամ բիզնեսի բարգավաճման համար: Ծառերը աշխատում են տարածության, իսկ թևնոցները՝ մարդու աուրայի վրա։
Իմ թալիսմանները, չարխափաններն, օգնական զարդերն անցնում են առանձնահատուկ մաքրման ծեսեր, հատուկ պահապան մանթրաներով օրհնություն` հնարավոր է օծվեն Տիբեթից բերված կամ մյուռոնատիպ յուղերով։ Շատ պահապան զարդեր տարվում են յուրահատուկ ուժի վայրեր՝ սնվելու տարածքի զորություններով։
– Ինչպե՞ս է որոշվում, թե ո՞ր քարն է հարկավոր կրել:
– Հորոսկոպներն առաջարկում են յուրաքանչյուր մարդու համար հինգից վեց տեսակ քարեր, ես ընտրում եմ անհատականը՝ համապատասխան մարդու տարերքին և էներգետիկ դաշտին։
– Ես գիտեմ, որ Եվրոպական երկրներում մեծ տեղ են տալիս թալիսմաններին, իսկ ինչքանով են հայերը ոգեշնչված դրանով։
– Հետաքրքրական այն է, որ նախկինում հայերը մեծ տեղ էին տալիս քարերից պատրաստված իրերին։ Հետո դա մոռացվեց: Երկար դադարից հետո վերջին տարիներին կրկին սկսեցին մեծ տեղ հատկացնել բնական քարերից պատրաստված զարդերին։
– Ավելի շատ արական, թե՞ իգական սեռի ներկայացուցիչներն են գնում։
– Տղամարդիկ ևս հետաքրքրված են, սակայն նախապատվությունը կանանցն է։
– Գիտեմ, որ Ձեր մոտից կարելի է ձեռք բերել նաև հղիների համար նախատեսված թալիսմաններ, կմանրամասնե՞ք։
– Ասեմ, որ թալիսմաններ կրում են բոլոր տարիքում, նաև հղիներն ու երեխաները։ Օրինակ վարդագույն կվարցը ըստ լեգենդի համարվել է մայր հողի հեղուկ սերը, որը քարացել է։ Եվ այդ քարը համարվում է լավագույնը՝ նախատեսված հղիների, կերակրող մայրերի և երեխաների համար։
– Աչքի ուլունքներն ինչքանո՞վ են ակտուալ։
– Լավ հարց է, քանի որ խոսել քարերից և չխոսել աչքի ուլունքից, անհնար է, սակայն նոր սերնդին միանշանակ չես առաջարկի մեր տատական աչքի ուլունքները, և «Նանէ» պահապան զարդերում դրանք ներկայանում են նորովի։
– Ագաթ, ամետիստ, կվարց, նռնաքար, տուռմալին․․․ Խնդրում եմ մանրամասնեք ավելի շատ որ քարերով է պատրաստում։
– Օգտագործվում են բազմաթիվ քարեր, ինչպես Հայաստանից, այնպես էլ աշխարհի տարբեր ծայրերից։ Նշեմ դրանցից Վագրի աչքը:Այն զարմանահրաշ քար է։ Բնությունից օժտված է յուրահատուկ հազվագյուտ դեղնաոսկեգույն արտացոլող փայլով։ Այն օգնում է պահպանել ներդաշնակություն և հավասարակշռություն, ազատվել անիմաստ վախերից և տագնապներից։ Վագրի աչքն իր մեջ ներծծել է արևի ուժն և իր արտացոլող հատկության շնորհիվ համարվում է ամենաուժեղ պահապան քարերից մեկը:
Կռվի ժամանակ անվախ լինելու համար հռոմեական զինվորները վագրի աչք էին կրում: Խաղաղ պայմաններում ևս տղամարդիկ այն կրում էին իրենց առնականությունն ու քաջությունն ավելացնելու և անեծքից և չար աչքից պաշտպանվելու համար։ Հնում հավատում էին, որ ով կրում է այդ քարը՝ նրա առաջ փակ դուռ չի լինի։ Համարվում է ճամփորդների օգնական քար։
Շատ օգտակար է բիզնեսի հիմք դնելու և բիզնեսը ծաղկման մեջ ու հաջողակ պահելու համար։ Գործնական զրույց – քննարկումներում օգնում է տիրոջը կայացնել ճիշտ որոշումներ։ Ընդհանրապես հարստության քարերի դասին է պատկանում։ Օգնում է վաստակել, կուտակել և շատացնել ունեցածը, ուժեղացնում է մարդու ինքնավստահությունը, ճիշտ ինքնագնահատականն ու ինքնահարգանքը, ապահովության ու պաշտպանվածության զգացումը։
Վագրի աչքը ունի նաև բազում բժշկող հատկություններ․ օգնում է կարգավորել հորմոնալ ֆոնը, վերարտադրողական համակարգը։ Կարգավորում է հուզական վիճակը՝ ազատելով տագնապներից։ Այս քարն օգտակար է աչքերի, տեսողության և կոկորդի հիվանդությունների բժշկման դեպքերում։ Օգտակար է նաև ողնաշարի թեքությունների և կոտրվածքների ժամանակ։
Նպաստում է ընտանիքներում ներդաշնակության հաստատմանը, քանի որ պահպանում է տիրոջը ծայրահեղական քայլերից և մտքերից, օգնելով պահպանել ներդաշնակություն և հավասարակշռություն։
Առանձնահատուկ նշանակություն ունի Ռոդոնիտը: Անկրկնելի գեղեցկությամբ այս քարը կրողների մոտ նկատվել է լյարդի և սրտանոթային համակարգի աշխատանքի բարելավում։ Տեսողության լավացման համար այն դնում էին աչքերին։ Արևելյան բուժակները թողել են տեղեկություններ ուռուցքների դեմ պայքարում լավ արդյունքների մասին։
Յոգերը գտնում են, որ ռոդոնիտի նուրբ թրթիռները ներթափանցելով մարդու էներգետիկայի մեջ, ակտիվացնում են արևահյուսակն ու սրտի չակրան, ոչ միայն նուրբ մարմինը այլև՝ ֆիզիկականն են լիցքավորում, հզորացնում և ուժ տալիս։
Իսկ այ սթրեսը հաղթահարելու համար՝ օգնական քարերից են
Ամետիստ, վարդագույն կվարց, լեռնաբյուրեղ, ամազոնիտ, երկնագույն ագաթ, ֆլյուորիտ։
Իսկ Վարդագույն կվարցը իգական էներգիայով, կարծր տեսակի, կանոնավոր բյուրեղային կառուցվածքով քար է։ Ունի բազմաթիվ բժշկող ու մոգական հատկություններ։
Աշխատում է սրտի չակրայի հետ։ Օգնում է ազատվել «սրտի վրա ծանրացած» բեռից, ներել ու կրկին սիրել։ Երջանիկ լինել ու երջանկացնել։ Տիրուհուն օգնում է Սեր տարածել ամեն հնարավոր ձևերով։ Մեղմում է խիստ բնավորությունը։ Նպաստում է առողջության պահպանմանն ու բժշկմանը։ Բերում է հոգեկան ներդաշնակություն, երիտասարդացնում է մաշկը, հղի կանանց ու փոքրիկների համար լավ պահապան է։
Պատվիրելով վարդագույն կվարցից պահապան -օգնական զարդ, կստանանք մայր դիցուհիների մանթրաներով, տիրամոր լույսով օծված ու օրհնված, մյուռոնատիպ ու Տիբեթից բերված վարդայուղով օծված յուրահատուկ զարդեր։Ասեմ նաև, որ վաղուց լիտոթերապեվտներն ու մոգերը գտնում էին, որ աստծո կողմից կամ վերին ուժերից մեզ որպես պարգև օգնական, բժշկող ու պաշտպան քար է Տուրմալինը։ Այն պաշտպանում է ֆիզիկական ու հոգեկան առողջությունը։
Էզոթերիկները, մոգերն ու շամաններն անպայման իրենց պաշտպանությունն ապահովելու համար ունենում էին սև տուրմալին։ Այն գիշերն օգնում էր հանգիստ քուն ունենալ՝ առանց սարսափ երազների։ Առողջական խնդիրների ժամանակ արևի տակ դրած տուրմալինը դնում էին ցավոտ տեղին։
Սև տուրմալինը, որ տանը բնակություն է հաստատում, իր հետ գալիս է նաև հարստությունը։ Եթե թևիդ տուրմալինը սառում է, նշանակում է կողքիդ նախանձ մարդ կա։ Նեգատիվից այս գանձ քարը ջերմաստիճանն արագ փոխում է։ Այս հրաշք քարը ունի բազմաթիվ բժշկող ու մոգական հատկություններ։Քարն իր ու տիրոջ շուրջը ստեղծում է էլեկտրական լիցքերով էներգետիկ պաշտպան դաշտ։ Այս երևույթը գիտնականների կողմից ուսումնասիրված է ու ապացուցված։ Տուրմալինից սալիկների էլետրական դաշտի բուժիչ հատկությունները կիրառվում են ժ.կից որոշ բուժ սարքավորումներում։ Տուրմալինն արևի շողերի տակ պահելուց հետո դնում եք ցավոտ տեղին, ցավը մեղմում է։
Չեզոքացնում է մտային, հուզական նեգատիվը։ Աշխատում է նուրբ պլանի մի քանի հարթություններում, վարդագույն տուրմալինը չեզոքացնելով մտահուզական նեգատիվը՝ օգնում է վերականգնել ուրախությունն ու սիրելու կարողությունը: Վարդագույն տուրմալինը օգնում է կանանց սիրառատ լինելուն: Oգնում է արարել արվեստագետներին, օգնում է ներդաշնակվել ինքն իր ու աշխարհի հետ, սև տուրմալինը տղամարդկանց լավագույն ընկերն է։ Այն ապահովում է հարստություն, հզորություն ու պաշտպանություն սև ուժերից ու մարդկանց նեգատիվից։
– Ցանկացողները ինչպես կարող են ձեռք բերել։
– «ՆԱՆԷ» զարդերը հասանելի են օնլայն հարթակում՝ ինսթագրամում, ինչպես նաև ֆեյսբուքում։ Պատվիրել կարող են մեր ինթագրամյան և ֆեյսբուքյան էջերից։
Թալիսմանի գինը չի ձևավորվում միայն տվյալ քարի գնով, այլ այն ժամանակով, ուժերով, էներգիայով, սիրով, գիտելիքներով և շատ այլ իմ կարողություններով, որոնք ներդնում եմ պահապան թևնոցը պատրաստելիս։
Ֆեյսբուք՝ https://www.facebook.com
Ինսթագրամ ՝ https://www.instagram.com
