«Նարեկացի» արվեստի միությունում տեղի ունեցավ «Ռոլան» Մանկապատանեկան ֆիլմերի միջազգային փառատոնի կազմակերպած հաջորդ աշխատարանը։
Աշխատարանը վարեց սցենարիստ և պրոդյուսեր Արմինե Անդան, ում «Թռչող տերեւների երգը» 2023 Ոսկե Ծիրան կինոփառատոնին ստացել է Ոսկե Ծիրան մրցանակը՝ որպես լավագույն կարճամետրաժ ֆիլմ։ Այն նաև մի շարք այլ միջազգային փառատոնների մրցանակակիր է (պարտադիր դիտելու ֆիլմերից)։
Արմինե Անդան օգնեց մասնակիցներին՝ որպես համահեղինակներ, ստեղծել հեքիաթ-մեկնաբանություն՝ 2-3 հոգանոց խմբերով՝ հայկական կամ ֆրանսիական ժողովրդական հեքիաթի հիման վրա։
Աշխատարանը ներառում էր նաև ստեղծագործական խաղեր, պատմություն ստեղծելու վերաբերյալ խորհրդատվություն, որպես համահեղինակ պատմություն հորինելու և զարգացնելու փորձառություն։ Աշխատարանի նպատակն էր զարգացնել երևակայությունը, ստեղծել կարողություն և մեկնաբանական հմտություն։
Աշխատարանի ընթացքում ստեղծված երկու լավագույն պատմություն կարժանանա մրցանակի։
