Mundo Deportivo-ն հայտնում է, որ ՊՍԺ-ի հարձակվող Լիոնել Մեսսին ևս մեկ մրցաշրջան կանցկացնի բարձր մակարդակով Եվրոպակում, իսկ հետո կլքի ֆրանսիական ակումբը։
Ըստ աղբյուրի՝ Մեսսին կարիերան կշարունակի MLS-ի «Ինտեր Մայամիի» կազմում։
Ֆլորիդայի ակումբը կփորձի ձեռք բերել արգենտինացի աստղին 2022/2023 մրցաշրջանից հետո, երբ Մեսսին դառնա ազատ գործակալ։ Նաև ամերիկյան ակումբի ղեկավարությունը մտադիր է պայմանագիր կնքել Սերխիո Բուսկետսի հետ, ով Լեոյի մտերիմ ընկերն է։
Ֆրանսիայի առաջնության 26 խաղում արգենտինացին խփել է ընդամենը 6 գոլ և կատարել 14 գոլային փոխանցում։
