InterNews.info-ն զրույց է պատրաստել «Մեյդ ին Արմենիա» Հասարակական Կազմակերպության համահիմնադիր Աշոտ Գրիգորյանի հետ։ Վերջերս ՀԿ–ն սկսել է իր գործունեությունն, իսկ թե ի՞նչ. այս և այլ հարցերի պատասխանները պարզենք Աշոտ Գրիգորյանի հետ։
– Բարև Ձեզ, պարոն Գրիգորյան, կասեք ե՞րբ և ի՞նչ նպատակով է հիմնադրվել ՀԿ–ն։
– Բարև Ձեզ: Նախ շնորհակալություն հրավերի համար: «Մեյդ ին Արմենիա» Հասարակական Կազմակերպությունը ստեղծվել է 2021թ. հայկական ապրանքների արտադրության և ծառայությունների մատուցման առաջխաղացմանը նպաստելու, խթանելու և հայկական ապրանքների արտադրության վաճառքի իրականացմանը՝ Հայաստանում և արտերկրներում, աջակցելու նպատակով։
– Ո՞րն է «Մեյդ ին Արմենիա» – ի առանձնահատկությունը, եզակիությունը։
– Կազմակերպության գործունեության առանձնահատկությունն և եզակիությունը կայանում է նրանում, որ ՀԿ-ն այն քչերից է (միգուցե նաև միակը) Հայաստանում, որ իր առջև խնդիր է դրել ըստ ամենայնի գովազդելու, օժանդակելու Հայաստանում արտադրված ապրանքների իրացման և ծառայությունների մատուցման գործընթացը, հասանելի դարձնելու Հայաստանում և արտերկրներում՝ մասնավորապես Ռուսաստանի Դաշնությունում, ԱՄՆ-ում, Ֆրանսիայում, Լատինական Ամերիկայում, Մերձավոր Արևելքում և այլուր բնակվող մեր հայրենակիցներին, նրանց ուղղորդելով՝ ձեռք բերելու հայկականը:
– Ո՞րն է ՀԿ–ի նպատակն ու կանոնադրական հիմնախնդիրները։
– Նպաստել, աջակցել և խթանել հայկական արտադրության ապրանքների վաճառքի առաջխաղացմանը Հայաստանի Հանրապետությունում և արտերկրներում, բարձրացնելով արտադրվող ապրանքների մրցունակությունն ինչպես տեղում, այնպես էլ համաշխարհային շուկայում։
Ինչպես նաև աջակցել հայկական արտադրողներին, ցուցաբերելով մեթոդական, մասնագիտական, ապրանքների տեղափոխման տրանսպորտային օժանդակություն:
– Ո՞րն է ՀԿ–ի առաքելությունը։
-Մեր առաքելությունն է՝
-
Նախընտրելի դարձնել հայկականն և սերմանել ազգայինն ընտրելու գաղափարը։
-
Օգնել տեղական ձեռներեցներին զարգանալ, ստեղծել նոր աշխատատեղեր, աջակցել Հայաստանի տնտեսության զարգամանը, պայմաններ ստեղծել հայկական արտադրության զարգացման համար, ինչպես նաև նպաստել նրանց առաջխաղաղցմանը, թե՛ տեղական, թե՛ միջազգային շուկաներում։
– Ի՞նչ ծրագրեր եք դուք առաջարկում։
-Մենք առաջարկում ենք հետևյալը՝
-
Հայկական ապրանքներ արտադրողների և ծառայություններ մատուցող ընկերությունների համար, ապրանքների իրացման և տրանսպորտային փոխադրումների ուղղությամբ, մասնագետների ներգրավմամբ, կազմակերպել ուսուցման դասընթաց-հանդիպումներ՝ ըստ անհրաժեշտության նաև մարզկենտրոններում:
-
Կազմակերպել բիզնես և իրավաբանական խորհրդատվություն ինչպես առցանց, այնպես էլ խորհրդակցությունների հրավիրման միջոցով:
-
Տեղական արտադրողին աջակցելու և նրանց աշխատանքը խթանելու նպատակով ուսումնասիրել հանրապետությունում փոքր և միջին ձեռնարկությունների կողմից արտադրվող գյուղատնտեսական ապրանքների վաճառքի, և տրանսպորտային ծառայությունների մատուցման առցանց համակարգի ներդրման նպատակահարմարության հարցն, անհրաժեշտությունից ելնելով ստեղծել առցանց վաճառքի համացանցային կայք:
-
Հանրապետությունում գործող ծրագրային ապահովագրություն մատուցող (սոֆթ) մանր և միջին ընկերությունների շահերը պաշտպանելու և նրանց բիզնեսը զարգացնելու նպատակով, ուսումնասիրել համագործակցության միացյալ հարթակ ստեղծելու անհրաժեշտությունը:
– Եթե չեմ սխալվում, ՀԿ–ն պատրաստվում է ծավալուն գործունեություն իրականացնել, այնպես չէ՞։
-Նախատեսվում է գործընկերային կապեր հաստատել հայկական ապրանքների և ծառայությունների առաջխաղացմանն օժանդակող պետական, հասարակական և իրավաբանական կազմակերպությունների հետ, ակտիվ մասնակցություն ունենալ նրանց կողմից կազմակերպվող խորհրդակցություններին, համաժողովներին, ՀՀ օրենքների ընդունման քննարկումներին, ինչպես նաև հեռուստատեսության, ռադիոյի և համացանցի միջոցով գովազդելու, քարոզելու մեր կանոնադրական նպատակները, գնորդին ուղղորդելու ձեռք բերել հայկականը:
– Ի՞նչ այլ համագործակցություններ կան, կամ ի՞նչ են սպասվում։
-Ներկայումս կազմակերպությունը ձեռնամուխ է եղել մեր գաղափարներին համախոհ իրավաբանական և ֆիզիկական անձանց, ինչպես նաև որպես կամավորական աշխատելու ցանկություն հայտնած ֆիզիկական անձանց մեր շուրջը համախմբելու գործընթացին՝ նպատակների իրագործմանն ուղղված միջոցառումները կյանքի կոչելու համար։
– Ի՞նչ կցանկանայիք ավելացնել։
-Իր կանոնադրական նպատակներն իրականացնելու համար կազմակերպությունը նախատեսում է ստեղծել համագործակցության հարթակ, որտեղ իր դիմումի համաձայն կազմակերպության անդամ կարող է դառնալ մեզ գաղափարակից յուրաքանչյուր իրավաբանական անձ, ինչպես նաև յուրաքանչյուր չափահաս ֆիզիկական անձ, ով համաձայն է կազմակերպության կանոնադրական դրույթներին, կամ ցանկանում է իրականացնել կամավորական աշխատանք: Կազմակերպության անդամներին կանոնադրությամբ վերապահվում է որոշակի իրավունքներ և պարտականություններ, որը հնարավորություն կստեղծի ակտիվ մասնակցություն ունենալ կազմակերպության կառավարման գործընթացին: Նախատեսվում է նաև սահմանել որոշակի չափով անդամավճար։
Շնորհակալություն։
