Կնաբանությունը, իգաբանությունը (հուն՝ ուսուցում), գիտություն է կնոջ օրգանիզմի անատոմիա-ֆիզիոլոգիական, ֆիզիկական և հոգեկան առանձնահատկությունների և դրանց խանգարումների մասին։ Գինեկոլոգիան սկիզբ է առել Հին Եգիպտոսում, Հունաստանում և Հնդկաստանում (մ.թ. 5-4-րդ դարեր): Հայաստանում զարգացումը սկսվել է 1923 թ. – ից` Գրիգոր Արեշյանի նախաձեռնությամբ:
Ունե՞ք ինտիմ անհանգստացնող հարցեր, մտահոգվո՞ւմ եք բարձրաձայնել, մտածում եք ու՞մ դիմել: Այս հոդվածը կօգնի Ձեզ այդ նեղ անձնական հարցում:
InterNews.info – ն զրույց է պատրաստել գինեկոլոգ Ռեվազյանի հետ:
-Բարև Ձեզ, շնորհակալություն եմ հայտնում մեր հրավերն ընդունելու համար, եկեք խոսենք մեր ժամանակներում արդիական, հաճախ իրականացվող երկու պլաստիկ վիրահատույունների՝ լաբիոպլաստիկայի (սեռական շուրթերի վիրահատություն) և հիմենոպլաստիկայի (կուսաթաղանթի վերականգնում) մասին:
-Բարև Ձեզ: Ես ևս շնորհակալ եմ հրավերի համար: Նախ նշեմ, որ սեփական մարմնի թերությունները, հաճախ կանանց մոտ անհարմարություն և անվստահություն են առաջացնում, ինչը երբեմն բերում է սեռական կյանքի լուրջ խնդիրների առաջացման: Իրավիճակը կարելի է շտկել լաբիոպլաստիկայի միջոցով:
Սեռական շուրթերը կարող են լինել մեծ, տգեղ արտահայտվել և անհարմարություն պատճառել որոշ հագուստներ կրելիս։ Դրանք կարող են ձևափոխվել, կամ շտկվել վիրահատական ճանապարհով՝ որը իրականացվում է տեղային, կամ ընդհանուր անզգայացմամբ: Պացիենտը նույն օրը վերադառնում է տուն: Ապաքինումը անհատական է (տևում է երկու շաբաթից – մեկ ամիս):
-Ի՞նչ ցուցումներ ունի տվյալ վիրահատությունը:
-Իհարկե կան ցուցումներ՝
- Անհարմարություններ շարժումների ժամանակ, կամ սպորտով զբաղվելիս:
- Հոգեբանական դիսկամֆորտ՝ կապված սեռական շուրթերի ոչ էսթետիկ տեսքի հետ:
- Բացասական արձագանք սեռական զուգընկերոջ կողմից:
- Բնածին արատներ:
- Փոքր սեռական շուրթերի առավել մեծ չափերը մեծ շուրթերի համեմատ (կախվում են վերջինից ցած):
- Հետծննդաբերական տրավմաներ:
Վերը նշված վիրահատությունները հանդիսանում են քիչ տրավմատիկ, և չեն պահանջում հետվիրահատական հսկողություն ստացիոնարում:
-Խոսենք հիմենոպլաստիկայից
-Հիմենոպլաստիկան՝ կուսթաղանթի վերականգնումն է վիրահատական ճանապարհով:
Կուսաթաղանթի առաջին պլաստիկ վիրահատությունը իրականացվել է իտալացի վիրաբույժի կողմից՝ 1962 թ. -ին:
Այս վիրահատությունը միշտ չէ, որ անբարո է, ինչպես շատ հաճախ կարծում են Հայաստանում: Երբեմն դրա համար կարող են նաև ցուցումներ լինել ՝
- Պատահական վնասվածքներ որևէ միջադեպից հետո` սպորտ, բռնություն և այլն:
- Կնոջ անձնական ցանկությունը:
- Զուգընկերոջ նախասիրությունը:
- Էթնիկ և կրոնական պահանջները:
-Կնշե՞ք վիրահատության քանի տեսակ կա:
-Կա վիրահատության երկու տեսակ՝ կարճաժամկետ և երկարաժամկետ վերականգնում:
Առաջին տարբերակը, երբ կուսաթաղանթը վերականգնում են կարճ ժամկետով` 5-ից 7 օրվա ընթացքում (օգտագործում են կուսաթաղանթի մնացորդները):
Երկրորդ տարբերակը՝ երկարաժամկետ, կամ եռաշերտն է: Այս տարբերակը համարվում է կայուն երկարաժամկետ, քանի որ վերականգնումը կատարվում է հեշտոցի և հեշտոցամուտքի հյուսվածքների հետ մեկտեղ: Վիրահատությունը պահանջում է նաև հոգեբանական, պատրաստվածություն:
Այն իրականացվում է տեղային անզգայացմամբ: Եթե հետևում են բժշկի հետվիրահատական խորհուրդներին, ապա բարդություններ չեն առաջանում:
-Ի՞նչ Խորհուրդ կտաք մեր ընթերցողներին
-Խորհուրդ եմ տալիս, նախ և առաջ զուգընկերների հետ լինել ազնիվ, և տեղեկացված, քանի որ նշված վիճակներից յուրաքանչյուրը կարող է ո՛չ միայն ֆիզիկական, այլ նաև հոգեբանական անինքնավստահություն առաջացնել, իսկ տեղեկացվածությունը լավագույն միջոցն է բազմաթիվ խնդիրներից խուսափելու համար:
-Շնորհակալություն հաճելի և հետաքրքիր հարցազրույցի համար:
-Ձեզ ևս շնորհակալություն:
Ի դեպ մեր ընթերցողներին տեղեկացնենք, որ այսուհետ մենք կունենանք գինեկոլոգի անկյուն, ինչպես նաև հարց գինեկոլոգին հատված՝ յուրաքանչյուր ուրբաթ կարող եք Ձեր հարցերն ուղղել գինեկոլոգ Ռեվազյանին, գրելով մեկնաբանություն նախապես տեղադրված հրապարակման մեջ:
Հերթագրման, կամ խորհրդատվության համար կարող եք զանգահարել՝ հեռ: +37477552828, կամ գրել հաղորդագրություն՝ Email: [email protected]
Աղբյուրը՝ https://internews.info/
