1. Ո՞րն է Ձեր վերջին կարդացած գիրքը։
Աննա Ֆրանկի օրագիրն իմ վերջին կարդացած գիրքն է: Այն ինձ սովորեցրեց գնահատել այն ամենն ինչ ունեմ, քանի որ կյանքը շատ անկանխատեսելի է:
2. Ինչպե՞ս եք ընտրում ձեր ընկերներին։
Կարծում եմ ընկերներ ընտրելն ամենաբարդն է: Ես ունեմ շատ քիչ ընկերներ, որոնք համարվում են կյանքի ընկերներ, և անկախ հեռավորությունից ու ոչ հաճախակի հանդիպումներից, նրանք իմն են, իմ ձեռքբերումները:Ես չեմ արթնացել մի օր ու որոշել, որ նա իմ ընկերը պետք է լինի, այլ կյանքի տարբեր իրավիճակներն են մեզ ընկերներ դարձրել:
3.Տաղանդավոր ծնվում են թե՞ դառնում։
Կարծում եմ, որ ինչ-որ չափով տաղանդավոր ծնվում են: Մի մասը հետագայում կարողանում է օգտվել Աստծո տրված շնորհքից, տարածել ու մեծացնել այն, իսկ մյուս մասը պարզապես սպանում է այդ տաղանդը:
4. Դուք ձեզ աստղ համարու՞մ եք։
Ես կարծում եմ, որ աստղերը միայն երկնքում են, և ծիծաղում եմ այն մարդկանց վրա, ովքեր իրենց աստղ են համարում…
5. Ի՞նչ սկզբունքներ ունեք կյանքում։
Կյանքի ցանկացած իրավիճակում մնալ մարդ… դա ինձ համար ամենակարևոր սկզբունքն է:
6. Ինչպե՞ս ձեր ընկերները կբնութագրերին ձեզ։
Ընկերասեր, նպատակասլաց ու ուժեղ… շատ անգամ են ասում, այդ պատճառով կարողացա պատասխանել Ձեր հարցին:
7. Եթե հնարավորություն ունենայինք ձեր կյանքը վերսկսել, ի՞նչ կփոխեյիք ։
Կապրեի այնպես ինչպես ապրել եմ, պարզապես կջնեի իմ կյանքից որոշ թյուրիմածությունների:
8. Ինչո՞ւ ընտրեցիք հենց այս մասնագիտությունը։
Շատ պատահական ես դարձա մոդել, իսկ հետո հասկացա, որ սա այն է ինչն իսկապես ինձ համար է և ինձ հարմար է, չնայած նրան , որ ես ունեմ իրավաբանական կրթություն: Սիրեցի իմ մասնագիտությունը, առանց որի այսօր չեմ պատկերացնում կյանքս:
9. Ի՞նչ է սերը ձեզ համար։
Սերն ինձ համար ապրելակերպ է… կամ պետք է սիրես, կամ պարզապես չապրես:
10. Ո՞րն է ձեր բնավորության դրական և բացասական կողմերը։
Կարծում եմ , որ դրական է այն, որ ես իսկապես շատ բարի եմ, ինչն էլ շատ հաճախ շահագործվում է: Նվիրվող եմ և անսահման ընկերասեր, իսկ բացասական կողմս երևի թե շատ բռնկվող լինելս ու շուտ հավասարակշռությունից դուրս գալն է:
11. Նախագահ կամ Վարչապետ դառնալու դեպքում ի՞նչը կփոխեիք երկրում։
Սա շատ ծավալուն թեմա է… բայց վստահ եմ, որ կկարողանայի այնպես անել, որ այն մարդիկ ովքեր վստահել ու ընտրել են ինձ ապրեին բարեկեցիկ կյանքով…Հավելեմ նաև, որ շատ հնարավոր է, որ հետագայում ինձ տեսնեք արդեն քաղաքական ասպարեզում:
12. Ինչպիսի՞ն է կատարյալ օրը Ձեզ համար։
Կարծում եմ, որ յուրաքանչյուր մարդ ինքն է իր օրվա և կյանքի ռեժիսորը: Ես փորձում եմ մասքսիմում վառ ու խիտ գույներով լցնել օրս, և կյանքից վերցնել ամենադրականը…
13. Ինչ նորություններ են սպասվում։
Նորություններս բազմաթիվ են,սակայն ես չեմ սիրում խոսել դեռևս չիրականացած պլանների մասին: Շուտով ամեն բան կներկայացնենք իմ սոցիալական ցանցերի էջերում: Վստահորեն կարող եմ ասել, որ շատ մարդիկ կտխրեն, կբամբասեն և կշարունակեն ապրել իմ կյանքով:
Լրագրող՝ Նարեկ Դեմիրճյան
