Պարոն Աղաջանյան կառույցն ամբողջությամբ ապօրինի է , սեփականատերերը` որոնցից մեկն էլ ՀՀ ԱԺ պատգամավոր Գագիկ Ծառուկյանն է // Լրագրող Ռոզա Կաճեթցի

Լրագրող Ռոզա Կաճեթցին իր ֆեյսբուքյան էջում գրառում է կատարել, որում նա դիմում է՝ Վարչապետի աշխատակազմի ղեկավար, «Քաղաքացիական պայմանագիր» կուսակցության հիմնադիր անդամ Էդուարդ Աղաջանյանին։

Հարգելի Պարոն Աղաջանյան, ( Eduard Aghajanyan , Eduard Aghajanyan / Էդուարդ Աղաջանյան ) Եղվարդ քաղաքի Նատի թաղամասում կառուցվում է նավթավերամշակման գործարան բնակելի թաղամասի մեջ (մոտ 400 բնակիչ) 50 մետր հեռավորության վրա, երբ միջազգային չափանիշը մինիմալ 1000 մետրն է, կառույցն ամբողջությամբ ապօրինի է նախագծերը չեն անցել քաղշին թույլտվություն, ՇՄԱԳ փորձաքննություն, ԱԻՆ հակահրդեհային մարմնի թույլատվությունը, և այլն,իսկ կառուցման ընթացքում Հայաստանյան ոչ մի փորձագիտական մարմին չի հետևել շենքի կառուցման ընթացքին: Չնայած հաշվի չառնելով անչափ կարևոր փաստաթղթերի բացակայությունը և բնակչության կյանքը վտանգի ենթարկելը, սեփականատերերը` որոնցից մեկն էլ ՀՀ ԱԺ պատգամավոր Գագիկ Ծառուկյանն է, ում պատկանում է գործարանի 51տոկոսը, գործադիր տնօրեն Աբեդին հայտարարել է, որ գործարանը օրեր անց բացվելու է:
Բնապահպանության և ընդերքի տեսչական մարմինը կաշկանդված է իր գործողություններում քանզի 2018 թվականին նույն մարմինը ծառայողական աշխատանքներ կատարելու համար Գ.Ծառուկյան բարեգործական հիմնադրամից 10 նիվա մակնիշի մեքենա է նվեր ստացել, որի մասին հաստել է նույն մարմինը:
Խնդրում եմ պատասխանել հետևյալ հարցիս, արդյո՞ք օլիգարխիկ շահը վեր է դասված բնակչության կյանքից: Ինչ միջոցառումներ կարող են ձեռնարկվել ապօրինությունները վերացնելու և ապամոնտաժելու հետ կապված, որդյո՞ք արժի «հացի շտեմարան» Եղվարդը թունավորել ծծումբով և քաղծկեղածին նյութերով:
Հարգանքներով` Ռոզա Կաճեթցի: