InterNews- Սկսենք նրանից թե, որտեղից եք և քանի տարեկան եք:
Ինգա— Ծնունդով Երևանից եմ բնիկ երևանցի և 23 տարեկան եմ
InterNews- Հպա՞րտ եք որ հայ եք։
Ինգա— Միայն այն փաստը որ առաջինն ենք ընդունել Քրիստոնեությունը դա արդեն իսկ հպարտանալու տեղիք է տալիս։
InterNews- Ինչպե՞ս է ստացվել որ ընտրել եք այսքան մոտ և միաժամանակ տարբեր մասնագիտություններ։
Ինգա— Ամեն բան սկսվեց դեռ այն ժամանակ երբ ես 5 տարեկանում առաջին քայլերն արեցի դեպի բեմարվեստ որպես պարուհի։ Տարիների ընթացքում հղկվելով և ավելի լավ ճանաչելով իսկական արվեստ ասվածը հասկացա որ կյանքս պիտի կապեմ բեմի հետ ։ Գնալով երազանքներիս ետևից 2014 թվականին ընդունվեցի Երևանի Թատրոնի Եվ Կինոյի Պետական Ինստիտուտ։ Մասնագիտուտթյամբ ոչ միայն պարուհի եմ այլ նաև դերասանուհի ։ Սրանք երկուսն էլ այն մասնագիտություններն են որոնք միշտ ձեռք ձեռքի բռնած քայլում են կողք կողքի ։
InterNews- Ինչ ձեռքբերումներ ունեք թե, որպես պարուհի և թե դերասանուհի
Ինգա— Միայն այն որ ունեմ 2 այսքան գեղեցիկ մասնագիտություններ, դա արդեն իսկ մեծ ձեռքբերում է ։ Որպես պարուհի նշեմ որ արդեն 19 տարի է ինչ զբաղվում եմ պարարվեստով , պարում եմ,դասավանդում ,վերապատրաստվում պարբերաբար դրսից եկած վարպետների մոտ ։ Հանդիսանում եմ << Կատարողական Արվեստի Համաշխարհային Ասոցիացիայի (WAPA) >> անդամ։ Վերջերս նաև մեր նախագահի ՝ Արման Ղուկասյանի կողմից,ստացա 4 կարգի մրցավարաի լիցենզավորում, որով իրավունք ունեմ դատել սպորտային պարերի մրցույթները ։ Իսկ այն ինչ վերաբերվում է դերասանական արվեստում ունեցած հայողություններին ամեն ինչ դեռ նոր է սկսվում և ամենահետաքրքիրը դեռ առջևում է ։
InterNews- Եթե ոչ պարուհի ,ապա․․․․
Ինգա— Չի կարող լինել մեկ այլ պատասխան միանշանակ կրկին պարուհի։
InterNews- Կյանքում ինչն է ձեզ համար ամենագնահատելին։
Ինգա— Մարդկային հավատարմությունը։
InterNews- Ով կամ ինչը կարող է հունից հանել Ձեզ։
Ինգա— Ամենաբարկացնող փաստն այն է ,որ այսօր շատ տաղանդավոր երիտասարդներ մնում են ստվերում և սա բավականին լուրջ հարց է որը յուրաքանչյուր ճիտ դատող մարդուն բնականաբար կհանի հունից ։ Իսկ ինչ վերաբերվում է << Ով>> հարցին առաջ այլ կերպ կպատասխանեյ իսկ հիմա ուղղակի կասեմ որ էդպիսիններին ժպտում եմ և անցնում ։
InterNews- Եվ վերջում ինչպես կբնութագրեք ինքներդ ձեզ
Ինգա— Մարդ ով սիրում է շրջապատել իրեն դրական մարդկանցով և ուրախություն տարածել այնտեղ որտեղ որ գտնվում է ։
