«Տնտեսական կյանքում նույնպես կարևոր փոփոխություններ են տեղի ունեցել: Ըստ էության Հայաստանում մենաշնորհային տնտեսական համակարգն այլևս գոյություն չունի առնվազն քաղաքական կամքի և իրողությունների մակարդակով, բայց այդտեղ էլ մենք ինստիտուցիոնալ երաշխիքների կարիք ունենք»: Նիկոլ Փաշինյան
«Ես 2017թ. ասացի, որ Հայաստանում շաքարավազի և բանանի մենաշնորհը վերացնելու համար հարկավոր է 15-45 րոպե։ Եվ, այո, վարչապետ դառնալուց հետո 40 րոպեի ընթացքում վերացել է բանանի ու շաքարավազի մենաշնորհը, և ասում եմ` այսօր Հայաստանում չկա բանանի և շաքարավազի մենաշնորհ»։ Հղում՝ https://168.am/2019/04/24/1112884.html
Սրանք մենաշնորհները վերացման վերաբերյալ Նիկոլ Փաշինյանի բազմաթիվ հայտարարություններից են: Ահա նաև մի հատված նրա վերջին ֆեյսբուքյան գրառումից:
Դեռևս Հունվարի 15-ից մինչև օրս, մենաշնորհների վերացման մասին իր ելույթներում հաճախ է բարձրաձայնում ՀՀ վարչապետ Նիկոլ Փաշինյանն, այնինչ մասնագետներն ու թվաբանությունն այլ բան են փաստում:
Եթե մենաշնորհները վերացել են, ո՞ւր են արդյունքները։ Ինչո՞ւ մենաշնորհային շուկաներում ապրանքների գները չեն նվազում։
Իրականում Հայաստանի Հանրապետության արդի տնտեսական քաղաքականության առաջնային հիմնախնդիրներից է: Երկրի տնտեսությունը ներկայումս բնորոշվում է մենաշնորհացման բարձր մակարդակով, որի հետևանքով բազմաթիվ տնտեսավարող սուբյեկտներ տուժում են հակամրցակցային դրսևորումների պատճառով:
Մենաշնորհների հիմնախնդիրը մշտապես բարձրաձայնվել է, սակայն դրանց պետական կարգավորման ուղղությամբ տեսական ու գործնական հարցերը քիչ են ուսումնասիրվել մեր երկրում:
Երկրի տնտեսության զարգացման առաջնային խնդիրներից են՝
-Ապրանքների ու ծառայությունների գների բարձրացումը
-Շուկայում սուբյեկտի բաժինը կազմում է գրեթե 100 %
– Շուկայում մեկ տնտեսավարող սուբյեկտ իրականացնում է ամբողջ արտադրությունը, և սուբյեկտի գործողությունը ազդեցություն ունի շուկայական գնի վրա,
– Վաճառվող ապրանքը եզակի է
-Չի ընդլայնվում և զարգանում փոքր ու միջին բիզնեսը:
-Ցածր մրցունակությունն է տիրում արտաքին շուկաներում:
ՀՀ Պետական եկամուտների կոմիտեի և Տնտեսական մրցակցության պաշտպանության պետական հանձնաժողովի տրամադրած տվյալներով՝
2018թ. հունվար-սեպտեմբեր ամիսներին Հայաստան է ներկրվել՝
19 084.3 տոննա շաքարավազ,
16 069.6 տոննա բանան,
90 466.3 տոննա դիզելային վառելիք,
2 550.2 տոննա կարագ։
Այս ամենը փաստում է, որ գերակա դիրք զբաղեցնողներ շարունակում են գերիշխել: Շուկայում հիմնականում նույն ընկերություններն են այլ անվանմամբ:
Հեղինակ՝ Էմմա Կարապետյան
