Լենա Նազարյանը՝ բերած-հետ տարած բազմոցի և իր պատկերով ծաղրանկարների մասին Ամբողջական հոդվածը կարող եք կարդալ այս հասցեով

Աչքովս ընկավ, լավ է ստացվել)) Այս զավեշտալի ծաղրանկարի համար երևի արժեր, որ ասածս խոսքերը շուռումուռ տային և կահույքի մասին ապատեղեկատվություն տարածվեր:
Ի դեպ, իմ աշխատասենյակի համար նոր կահույք պահանջելու մասին լրագրողները շարունակում են հարցնել ու հարցնել:

Ու ես տարակուսում եմ՝ ինչ ճոխությունների մասին է խոսքը: Ինձ համար չի գնվել ո՛չ նոր մեքենա, ո՛չ նոր տեխնիկա, ո՛չ նոր կահույք:

Ես չունեմ դրա պահանջը: Եթե կան իրեր, որ պետք է փոխվեն, ապա ինձ համար նախընտրելի է, որ դրանք վերանորոգվեն, ոչ թե գնվեն նորերը: Հասկանալի է, որ ես ունեմ ներկայացուցչական կարգավիճակ, և իմ սենյակ են այցելելու նաև Հայաստանի հյուրերը, և ես ուզում եմ, որ ԱԺ-ն հնարավորինս ներկայանալի լինի: Բայց ամեն ինչ լինելու է շատ պարզ, առանց որևէ ճոխությունների, ես դրան դեմ եմ: Եվ այս հարցերն ինձ համար ընդհանրապես կարևոր հարցեր չեն:

հ.գ ահա այն բազմոցը, որը պետք է նոր պաստառով պատեն, որովհետև երկար ժամանակ պահեստում էր պահված ու վրայի փոշին չի անցնում: Ես պատրաստ եմ ձեզ պատմել իմ աշխատանքի հետ կապված ամեն ինչ, բայց արդյոք իմաստ ունե՞ր, որ մամուլն այսքան ժամանակ ձեր ուշադրությունը ու ժամանակը զբաղեցներ սրանով