«Գուցե, նախ պետք է լուծել կայանների խնդիրը…». Կարինե Փանոսյան

Բնապահպան, բանասեր Կարինե Փանոսյանը սոցկայքի իր էջում գրել է.

Այսօր ականատես եղա, թե ինչպես են մայթերին կայանված մեքենաները ոստիկանները էվակուատորներով հեռացնում։ Չէ՜, շատ լավ է, մայթերը մեքենաների համար չեն նախատեսված, ԲԱՅՑ․․․
Երևանի փոքր կենտրոնում մեքենաների կայանման համար գրեթե տեղ չկա։ Մի կողմից՝ այնուամենայնիվ սահմանափակ կարմիր գծերն են, որտեղ արդեն առավոտյան ազատ տեղ չի լինում, մյուս կողմից՝ մենք ունենք տրանսպորտի որակի խնդիր, ինչը շատերին ստիպում է մեքենա վարել, եթե նույնիսկ դրա խիստ անհրաժեշտությունը չունեն։
Փաստորեն, Երևանի փոքր կենտրոնը լի է անթիվ մեքենաներով, որոնք ունեն կայանման խնդիր, բայց այսօր արդեն ոստիկանները տուգանում են բոլոր նրանց, ովքեր ինչ որ ազատ միլիմետր են գտել, ու մեքենան խցկել այնտեղ։
Հիմա բացատրեք՝ ո՞նց պիտի կարգավորվի այս հարցը։
Գուցե, նախ պետք է լուծել կայանների խնդիրը, հետո արգելել, որ մեքենաները կանգնեն՝ ուր պատահի։