Այսօր Ազգային ժողովում Մանվել Գրիգորյանին անձեռնմխելիությունից զրկելու մասին միջնորդության քննարկման ժամանակ ԱԺ «Ծառուկյան» խմբակցության պատգամավոր Սերգեյ Բագրատյանը Մանվել Գրիգորյանին դրդեց ինքնասպանության։
«Եթե այս մեղադրանքը հաստատվի, ապա Մանվել Գրիգորյանին կփրկի ո՛չ մուրճը, ո՛չ նալը, ո՛չ մեխը, այլ միայն պարանը։ Եթե այս մեղադրանքները հաստատվեն, սա կդիտվի պետական դավաճանություն։ Մենք մեր մանուկների աչքերին չենք կարող նայել։ Մենք հայրենասիրություն ենք ցանկանում ներարկել մատաղ սերնդին, ու նման դաժան վերաբերմուն Արցախի հերոսի կողմի՞ց. սա անբացատրելի է։ Այդ պարանը կարող է խարանը հանել հայ ժողովրդի ծանրացած սրտից», – հայտարարեց Բագրատյանը։
Նրա խոսքով՝ բարձրաստիճան զինվորականներ կան, որ կառուցում են դղյակներ։
