Քիչ առաջ կառավարության նիստին վարչապետ Նիկոլ Փաշինյանը ոստիկանապետ Վալերիյ Օսիպյանին և արդարադատության նախարար Արտակ Զեյնալյանին հանձնարարականներ տվեց օրենսդրական լուծումներ ստեղծել՝ արագաչափերի գործարկման հետևանքով չմարված և կուտակված տույժ-տուգանքների պարտքը ներելու մասին:
Ինչպես նաև քննարկման առարկա դարձնել արագաչափերի և տեսանկարահանող սարքերի գործարկման արդյունավետության մասին.
«Կարծում եմ նպատակահարմար կլինի օրենսդրական հնարավորություն մտածել ինչ-որ ժամանակաշրջանով դրանց գործունեությունը դադարեցնելու կամ կասեցնելու մասին»:
Նա հայտնեց նաև, որ մարդկանց անընդհատ տուգանելու մոլուցքը պետք է դադարեցնել և փոխել վերաբերմունքը այդ հարցի հանդեպ:
Աղբյուր՝ http://iravaban.net
