«Լիվերպուլը» դիտարկում է «Բրայթոնի» կիսապաշտպան Մոյսես Կայսեդոյի տրանսֆերը ձեռք բերելու տարբերակը, հայտնում է The Sun-ը:
Աղբյուրի համաձայն՝ մերսիսայդցիները պատրաստ են 20-ամյա էկվադորցու համար առաջարկել 42 միլիոն ֆունտ ստերլինգ։ Կայսեդոյի նկատմամբ հետաքրքրություն է ցուցաբերում նաև «Մանչեսթեր Յունայթեդը»։
Կիսապաշտպանն ընթացիկ մրցաշրջանում անգլիական թիմի կազմում անցկացրել է 4 հանդիպում և ոչ մի գոլ չի խփել։
Ֆուտբոլիստի պայմանագիրը «Բրայթոնի» հետ ուժի մեջ է մինչև 2025 թվականի ամառ։
