ՌԴ արտաքին գործերի նախարարության մամուլի քարտուղար Մարիա Զախարովան աջակցություն է հայտնել իր ադրբեջանցի գործընկերներին՝ կապված Մեծ Բրիտանիայում Ադրբեջանի դեսպանատան վրա հարձակման հետ, այս մասին Մ.Զախարովան գրել է իր տելեգրամյան էջում։
«Ես ցնցված եմ Բրիտանիայում Ադրբեջանի դեսպանատան վրա կատարված արմատական հարձակումից։ Օրը ցերեկով ամբոխը ներխուժել է դիվանագիտական ներկայացուցչության տարածք, պղծել պետական խորհրդանիշները , վնասել շենքը։ Փառք Աստծո, ոչ ոք չի տուժել
Դիվանագիտական ներկայացուցչությունների տարածքի անձեռնմխելիությունը միջազգային հարաբերությունների հիմնաքարն է՝ ապահովելով դիվանագետների անխափան աշխատանքը ողջ աշխարհում։ Նման «միջադեպերը» սովորականից դուրս են։
Ընդունող պետությունը հատուկ պարտավոր է ձեռնարկել բոլոր համապատասխան միջոցները` պաշտպանելու առաքելության տարածքը ցանկացած ներխուժումից կամ վնասից և կանխելու առաքելության անդորրը կամ նրա արժանապատվությունը վիրավորելը
Հարց բրիտանական իշխանություններին և ոստիկանությանը, ովքեր պետք է ապահովեն դեսպանատան և դիվանագետների անվտանգությունը , որտե՞ղ էիք»,- գրել է ՌԴ ներկայացուցիչ Մարիա Զախարովան:
