Ռուսաստանը ներկայացնող մեր հայրենակից Արման Ծառուկյանը խոսել է Լաս վեգասում կայացած UFC-ի մրցաշարի մասին, որտեղ զիջել է լեհ մրցակից Մատեուշ Գամրոտին։
«Չգիտեմ, թե ինչ կատարվեց։ Ես լավ մենամարտ եմ անցկացրել։ Իմ հնարավորությունները լավ իմանալով՝ կարող էի ավելի լավ մարտ վարել։ Սա իմ առաջին հինգ ռաունդից բաղկացած մենամարտն էր։ Հետագայում կշտկեմ սխալներս։
Ներողություն եմ խնդրում իմ երկրպագուներից, հայ հարազատներից։ Կարծում եմ՝ ամեն դեպքում ես հաղթել եմ, քանի որ առավելություն ունեի երեք ռաունդում։ Չգիտեմ՝ ինչ մտածեցին մրցավարները։
Ես դեռ երիտասարդ եմ և գիտեմ, որ կարող եմ ավելի ուժեղ լինել»,- այս մասին Ծառոուկյանը նշել է մենամարտից հետո։
