Արամ Մանուկյանի եռագույն գրանիտե արձանը Երեւանում
Ուկրաինան շարունակում է կռիվը ինքնիշխան պետություն մնալու, ուկրաինացի մնալու, ուկրաիներեն խոսելու իրավունքի համար։ Կիեւը չի ընդունում «խաղաղություն տարածքների դիմաց» հարկադրանքը, դնում է պահանջներ եւ միջազգային հանրության պատասխանատվության խնդիրը։ Կիեւը առաջարկում է իր շուրջ անվտանգության նոր համակարգ, ձեւավորում է ապառուսականացման եւ ապագաղութացման խորհուրդ։ Ուկրաինան կռվում է մի երկրի դեմ, որից բոլորը վախենում էին, եւ որը ստեղծել է լոբբինգի ու գործակալական ահռելի ցանց երկրում եւ Արեւմուտքում, փողով կամ կոմպրոմատներով իր ազդեցության տակ գցել պետությունների ղեկավարների ու քաղաքական գործիչների, վերլուծական կենտրոններ, զլմ-ներ։
Ուկրաինական զինվորականների գործողություններին մասնակցող շունը․ «գետնի տակից էլ կկարեմ իմ դրոշը»․ Աստվածամայրը հակատանկային զենքով
Խաղաղության օազիս փոթորկալից աշխարհում՝ խաղաղության օրակարգով ու զիջումներով՝ ահա Նիկոլի ու քպ-ական իշխանության երազանքը։ Մենք պարտված ենք, ջախջախված, ԱԺ ամբիոնից հիմնավորում էր քաղպատգամավորներից մեկը։ Խաղաղության օազիս՝ որպես շարունակություն քաղաքական հայրերի ժողովրդավարության կղզու գաղափարաբանության։ 30 տարվա մեջ երկու խղճուկ «հայեցակարգ», գումարած Հայաստան-Արցախ-Սփյուռք եռամիասնություն անհեթեթությունը։ Հիմա, ինչպես նկատել է քաղաքական մեկնաբան Պավել Դալլաքյանը, դրան փոխարինում է նոր եռամիասնությունը՝ պարտություն, ժողովրդավարություն, խաղաղություն։ Դրանք անբաժան են նրանց համար։ Աշխարհը Հայաստան է, եւ վերջ։
