Երեկ Մոսկվա կինոթատրոնում կայացավ Մերի Սարիկյանի «Իմ նպատակների քարտեզը» գրքի շնորհանդեսը: Գեղեցիկ կարճ ֆիլմերի շն որհիվ հյուրերը մի պահ ճախրեցին դեպի տիեզերք, այնուհետև վերադարձան մանկություն, իսկ հետո Մերին հանդես եկավ շատ ոգևորիչ և մոտիվացիոն ելույթով:
Օդը սիրով էր լցված. հեղինակը նշեց , որ ուզում է հավատով լցնել երեկոն՝ սեփական ուժերի, նպատակների իրագործման և հաջողության իրական լինելու հանդեպ: Կարծում ենք ՝ դա նրա մոտ հրաշալի ստացվեց, այդ մասին էին պատմում ներկաների լայն ժպիտներն ու վառվող աչքերը:
Ներկա էին նաև բազմաթիվ հայտնի հյուրեր: «Իմ նպատակների քարտեզը» գիրքը հեղինակի 3-րդ գիրքն է: Այն արդեն վաճառվում է Զանգակ գրախանութում և հեղինակի պաշտոնական կայքում www.marysarikyan.com : Ինչպես հեղինակը նշեց, «Ես գրել եմ «Իմ նպատակների քարտեզը» , որպեսզի միանգամից մեծ թվով մարդկանց համար հասանելի դարձնեմ այն մեթոդներն ու գաղափարները, որոնք օժանդակելու են իրենց նպատակների իրագործման և ներդաշնակ ապրելու ճանապրհին»:
Գրքում զետեղված յուրաքանչյուր վարժություն այնպես է մշակված, որ երակարժամկետ և հիմնաքարային ազդեցություն ունենա մարդու կյանքի վրա: Ինքնաճանաչման, անձնական աճի և գիտակից ապրելու այս ուղեցույցը կարծում ենք հրաշալի նվեր է Ամանորին ընդառաջ, որպեսզի ճիշտ քարտեզագրենք մեր նպատակները:
InterNews.info
