Ծիծաղելի և միշտ ընթերցող Բիլ Գեյթսն աշխարհին սովորեցրել է օգտվել անձնական համակարգիչներից և երկար տարիներ շարունակում է մնալ Forbes-ի ցուցակներում։ Նա վաճառեց Microsoft-ում ունեցած գրեթե բոլոր բաժնետոմսերը, բայց ոչ դափնիների արժանանալու համար։ Նա այժմ միլիարդներ է ներդնում իր բարեգործական ֆոնդում։ Բիլ Գեյթսի նոր խնդիրը աշխարհը մահացու հիվանդություններից փրկելն է։
Այս պատմության հերոսը աշխարհի ամենահայտնի միլիարդատեր, ավելի քան տասը տարի Forbes-ի առաջին հորիզոնականները չզիջող Բիլ Գեյթսն է։
Բիլ Գեյթսի սիրավեպը համակարգիչների հետ սկսվել է դեռևս մանկուց։ Դպրոցի ծնողական կոմիտեն ձեռք էր բերել համակակարգչի նախատիպային սարքավորում, որի շնորհիվ Գեյթսին ազատել էին մաթեմատիկայի դասերից՝ այդ կերպ նրան թույլ տալով ավելի երկար ժամանակ հատկացնել ինֆորմատիկային։
Հետո Բիլը ընկերների հետ սկսեց հաճախել համակարգչային ակումբ։ Խմբին դուրս արեցին ակումբից, երբ իմացան, որ երիտասարդները ծրագիր են գրել՝ իրենց հատկացված ժամանակից երկար համակարգիչներն օգտագործելու հաշվին։ Ինչևէ, երիտասարդ հակերները չհուսահատվեցին և ակումբին առաջարկեցին իրենց ծառայությունները՝ համակարգիչների մեջ փնտրել և գտնել խոցելիություն։
Երբ դպրոցում իմացան Գեյթսի տաղանդի մասին, նրան խնդրեցին ծրագիր գրել՝ դասացուցակի հսկողության և աշակերտների բաշխման վերաբերյալ։ Բիլը դա արեց և ծրագիրը նրան ուղարկեց այն դասերին, որոնց հաճախում էին դպրոցի ամենագեղեցիկ աղջիկները։
SAT թեստից առավելագույն գնահատական վաստակելով՝ Բիլ Գեյթսն ընդունվեց Հարվարդի համալսարանի իրավունքի ֆակուլտետ, բայց այնտեղ ևս զբաղվում էր մաթեմատիկայով և ինֆորմատիկայով։ Մի անգամ Հարվարդի պրոֆեսոր Լյուիսը հանձնարարություն էր տվել ուսանողներին․ պատկերացրեք, թե աշխատում եք ռեստորանում և դուք ունեք խոհարար, որը արագ, բայց անզգույշ է պատրաստում նրբաբլիթներ։ Արդյունքում բոլորը տարբեր չափերի են ստացվում, մինչդեռ հաճախորդները ցանանում են տեսնել համակարգված դասավորություն, երբ ամենամեծ նրբաբլիթը ամենաներքևում է, իսկ ամենափոքրը՝ վերևում։ Հարցն այսպիսին է՝ եթե դուք ունեք N քանակի նրբաբլիթ և մեկ շրջելու հարմարանք, ո՞րն է շրջելու ամենաարդյունավետ ձևը՝ դրանք հերթականությամբ դասավորելու համար։ Մի քանի օր հետո պրոֆեսորին մոտեցավ առաջին կուրսեցի Գեյթսը՝ պատրաստի լուծումով, ինչը հանգեցրեց գիտական աշխատանքի (Bounds for sorting by prefix reversal)։ Գեյթսի ալգորիթմը ամենաարդյունավետ տարբերակն էր, անգամ 30 տարի անց որևէ մեկն այս արդյունքը գոնե 1%-ով չի բարելավել։
Ինչ-որ պահի Գեյթսը Հարվարդում ակադեմիական արձակուրդ վերցրեց և հիմնեց Microsoft-ը՝ ընկերություն, որը փոխել է աշխարհը, իսկ հիմնադրին դարձրել աշխարհի ամենահարուստ մարդկանցից մեկը։
Գեյթսի ներդրումները կարելի է բաժանել երկու մասի՝ Microsoft-ից առաջ և հետո։ Այսօր Բիլ Գեյթսի մասնաբաժինն իր հիմնադրած ընկերությունում կազմում է 1%-ից մի փոքր ավելի, նա 2000 թվականից այլևս ղեկավար չէ, իսկ 15 տարի անց Microsoft-ի խորհրդի նախագահի պաշտոնը փոխարինել է տեխնոլոգիական խորհրդատուի պաշտոնով, որպեսզի կնոջ՝ Մելինդայի հետ ամբողջությամբ զբաղվի բարեգործությամբ՝ Bill and Melinda Gates Foundation-ում.
Microsoft-ի կայքում հրապարակվել են տվյալներ՝ 1994 թ․-ից ի վեր ձեռքբերուների և փոփոխությունների մասին։ Այդ ընթացքում ընկերությունը գնել է 188 IT ընկերություն։ Ամենախոշոր տասը գնումների մեջ (այդ թվում՝ GitHub, LinkedIn и Skype) կա Visio ընկերությունը, որը ձեռք է բերվել 1999 թվականին՝ 1,3 մլրդ դոլարով։ Visio-ն տվյալների արտացոլման և դիագրամների կառուցման և ներկայացման համար լուծումներ է մշակում, որը մինչ այժմ Microsoft Office-ի գլխավոր բաղադրիչն է և ապահովում է մի քանի հարյուր միլիոն դոլարի հասնող վաճառք։
Microsoft-ում Բիլի բոլոր ներդրումները հաջողակ են եղել։ 90-ականների վերջին ընկերությունը միլիարդավոր դոլարներ ներդեց մալուխային հեռահաղորդակցության AT&T, Сomcast, Titus և Korea Telecom ընկերություններում։
Microsoft-ին այդպես էլ չհաջողվեց իր որոշումները առաջ տանել հեռահաղորդակցության ցանցում և որոշ ժամանակ անց անհրաժեշտ էր դուրս գալ ներդրումներից։
Համընդհանուր առողջապահություն, ահա թե ինչով է զբաղված այժմ Բիլ Գեյթսը։ Նրա մոտ ընկեր Ուորեն Բաֆեթը նույնպես ներդրող է և մասնակցում է Bill and Melinda Gates Foundation-ի կառավարմանը։
Բիլ Գեյթսը երբ նոր էր սկսել զբաղվել առողջապահությամբ, մի պրոֆեսոր նրան 82 գիրք և հոդված էր տվել, որոնք կօգնեին պատկերացում կազմել համաշխարհային առողջապահության և բժշկության մասին։ Ի զարմանս պրոֆեսորի՝ Բիլն ամբողջությամբ կարդացել էր դրանք։
Հոդվածը, որը Բիլ Գեյթսի վրա մեծ ազդեցություն է ունեցել, Համաշխարհային բանկի 1993 թ․ հաշվետվությունն է (World Bank Development report)։ Բիլ Գեյթսը մեկ անգամ չէ, որ ընթերցել է այդ փաստաթուղթը։ Զեկույցը ներկայացնում էր հայեցակարգ, ըստ որի՝ կյանքի տևողությունը պայմանավորված է հիվանդությամբ։
Դուք կարող եք երկար ապրել, ապագայում՝ կույր կամ հաշմանդամ, բայց դա ի՞նչ կյանք կլինի։ Ցավոք սրտի, աշխարհում չկան բավարար պայմանններ՝ հաշմանդամ մարդկանց համար պատշաճ կյանք ապահովելու համար։ Ինչպես միշտ, Բիլ Գեյթսի որոշումը առավելագույն արդյունավետության հասնելն է։ Եթե դուք ունեք այս կամ այն հիվանդությունը կանխելու գաղափար, ապա Microsoft-ի հիմնադիրի կողմից հովանավորչություն ստանալու ճանապարհին եք։ Բայց պատրաստ եղեք Գեյթսի մանրակրկիտ հարցերին։
Գեյթսը բավականին երկար ժամանակ է հատկացնում մալարիայի, տուբերկուլյոզի և ՄԻԱՎ-ի դեմ պայքարին, ինչի վրա Գեյթսի ֆոնդի ներդրումների 46%-ն է ծախսվում։ Այստեղ յուրահատուկ է մալարիան, որը գրեթե հաղթահարված է զարգացած երկրներում և համաշխարհային դեղագործական ընկերություններն այլևս հետաքրքրություն չեն ցուցաբերում մալարիայի պատվաստանյութը հետազոտելու համար, մինչդեռ միլիոնավոր մարդիկ շարունակում են մահանալ այս հիվանդությունից։ Նրանք իրենց չեն կարող թույլ տալ դեղորայք գնել, Աֆրիկյան որոշ երկրներում հիվանդությունների դեմ պայքարի համար մեկ շնչին տարեկան բաժին է ընկնում 4 մլն դոլար։ Այս բացը փորձում է լրացնել Բիլ Գեյթսը։ Նա փոխել է աշխարհը, իսկ այժմ դարձնում է այն ավելի լավը։ Հույս կա, որ տարեցտարի նրան կմիանան ավելի ու ավելի շատ գաղափարակիցներ։ Իսկ դուք կարող եք ընթերցել այն զեկույցը, որը երբևէ տպավորել է Բիլ Գեյթսին։
