Քաղաքացի Արկադի Գալստյանը, ով հասցրել է աչքի ընկնել տարբեր ակցիաներում, այս անգամ կառավարության մոտ էր եկել այլ պահանջով:
Նա լրագրողների ներկայությամբ զանգեց ԱԱԾ, ՀՔԾ և ոստիկանություն` պահանջելով Հհ երկրորդ քաղաք Գյումրին թալանելու վերաբերյալ քրեական գործ հարուցել և այդ գործում, որպես վկա ներգրավել վարչապետ Նիկոլ Փաշինյանին:
Իր այս պահանջն Արկադի գալստյանը բացատրում է նրանով, որ Ազգային ժողովի նոյեմբերի 13-ի կառավարության հետ հարց ու պատասխանի ժամանակ, Նիկոլ Փաշինյանը հայտարարել էր, թե Գյումրին կիսով չափ թալանել են և ինքը «օդում կախված լուրերի համաձայն» գիտի, թե ով է թալանել: Եվ թալանողին պատրաստ է ասֆալտին փռել:
Գալստյանը բացատրում է.
«Եթե վարչապետը գիտի` ով է թալանել Գյումրին ու թաքցնում է, ուրեմն հանցակից է, իսկ եթե պատրաստ է տեղեկացնել այդ մասին պատկան մարմիններին, ապա պետք է նրա հայտարարությունը ընդունել որպես հաղորդում և գործում ներգրավել որպես վկա»:
Մանրամասները` տեսանյութում
