Հոկտեմբերի 30-ին և 31-ին Պետական Կամերային երաժշտական թատրոնում կկայանա անգլիացի ժամանակակից դրամատուրգ Ալան Էյկբորնի «Ննջասենյակային զավեշտ. Bedroom farce» ներկայացման պրեմիերան: Բեմադրիչն է ֆրանսահայ ռեժիսոր Ժիրայր Բաբազյանը:
Ինչպես InterNews.info-ի հետ զրույցում նշեց Ժիրայր Բաբազյանը
«Պիեսը բեմադրվել է աշխարհի շատ թատրոններում, առաջին անգամ՝ Լոնդոնի մայր թատրոնում: Պիեսը զույգերի կյանքի մասին է: Ներկայացվում է մեծահասակ զույգի, նորապսակ և մի քիչ հարուստ զույգի սիրային, ընտանեական փոխհարաբերությունները:
Նրանք ապրում են առանձին ննջարաններում, նրանց խանգարում է չորրորդ զույգն իր կռիվներով, անընդհատ խնդիրներով, ովքեր ողջ երեկոն տակնուվրա են անում: Հուսով եմ հանդիսատեսը կզգա ու կհասկանա հումորը». Նշեց բեմադրիչը:
