Մի քանի հայ “քաջաբար” հարձակվել են մի թուրքի թե ադրբեջանցու վրա: Այլ կերպ, քան չգիտակցված սադրանք ու խուլիգանություն կատարվածն անվանել անհնար է. Հովսեփ Խուրշուդյան (ՏԵՍԱՆՅՈՒԹ)

82

Բրյուսելում մի քանի հայ “քաջաբար” հարձակվել են մի թուրքի թե ադրբեջանցու վրա ու ծեծի են ենթարկել, պահանջելով թե “ասա որ դու ոչխար ես”։ Այդ ամենը նկարել ու հպարտ-հպարտ տեղադրել են համացանցում։ Այլ կերպ, քան չգիտակցված սադրանք ու խուլիգանություն կատարվածն անվանել անհնար է։

Ընդհանրապես, հայ-ադրբեջանական խնդիրները լուծվում են սահմանին ու հաճախ շատերի, իրական քաջերի, կյանքի գնով։ Բոլոր նրանք, ովքեր մեծ ցանկություն ունեն անձամբ ու ֆիզիկապես մասնակցելու այդ խնդիրների լուծմանը կարող են վերադառնալ Հայաստան ու զինվորագրվել հայկական բանակում։ Այլ դեպքում, աջակցության նպատակով խաղաղ հանրահավաքներից այն կողմ հարցը չպետք է անցնի։ Անգամ եթե դիմացի կողմը դա սադրի։

Ու ամենակարեւորը – գոնե անելուց մի քիչ ձեզ մարդավարի պահեիք – եթե սադրիչ էր – մեկդ թող խփեր, իսկ մնացածը ցուցադրաբար չմիջամտեին։ Իսկ սենց – լիքը մարդու ստիպեցիք ամաչել ձեր փոխարեն։ Երբեք չի կարելի իջնել այդ ցածրության. արժանապատիվ մարդու հատկություններից է ինքն իրեն տիրապետելը, բանականությամբ առաջնորդվելը ու բնազդներին չտրվելը։
Տեսանյութի հղումը (16+) – մեկնաբանության մեջ։

😠Բրյուսելում մի քանի հայ "քաջաբար" հարձակվել են մի թուրքի թե ադրբեջանցու վրա ու ծեծի են ենթարկել, պահանջելով թե "ասա որ…

Gepostet von Hovsep Khurshudyan am Donnerstag, 23. Juli 2020