«Շաբաթվա Թեման» հղորդման հյուրն է Թատրոնի և կինոյի հանրահայտ դերասանուհի, բեմադրիչ, գրող, պրոդյուսեր Նորա Արմանին: Պաշտոնական կայքն այստեղ:
Ի դեպ Պատանի հանդիսատեսի թատրոնում հուլիսի 12-ին՝ ժամը 19:00-ին, մեծ ճանաչում ունեցող ամերիկահայ դերասանուհի Նորա Արմանիի մասնակցությամբ տեղի կունենա «ՄԵՐՍԵԴԵՍ» ներկայացումը: Մեկ գործողությամբ դրաման հիմնված է իրական դեպքերի վրա:
Հանդիսատեսի աչքի առաջ ներկայացվում է մի ամբողջ սերնդի կենսագրություն՝ խորհրդային ռեժիմի պատճառած անհարմարություններից մինչև Հայաստանի անկախացում: Եղեռնի հետևանքով հեռավոր Սալոնիկում հաստատված գաղթական հայերի զավակների՝ Մերսեդեսի և Զարուհու առջև ի վերջո ծառանում է հարց՝ հայրենիքը սիրել հեռվի՞ց, թե վերադառնալ պապերի երկիրը ու զրկանքներով հաստատել հայրենասիրությունը:
