Կոմպոզիտոր Շուշան Սարգսյանը Կաննի միջազգային կինոփառատոնում #CannesFilmFestival Հայաստանը պատվով ներկայացնելուց հետո, այս անգամ մեր երկիրը՝ հայ երաժշտությունը, ներկայացրեց Վենետիկի #VeniceFilmFestival #Venice79FilmFestival կինոփառատոնում՝ բարձր պահելով ՀԱՅԻ անունը ևս մեկ համաշխարհային հարթակում։ Ինչպես InterNews.info-ի հետ ունեցած զրույցում նշեց կոմպոզիտորը․
-Այս անգամ հնարավորություն ընձեռվեց ստեղծագործություններս ներկայացնել նաև Վենետիկի համաշխարհային կինոփառատոնում։
Վերադառնալով Կաննի միջազգային կինոփառատոնից, առաջարկ ստացա ներկայացնել ստեղծագործություններս նաև Վենետիկում։ Մոտ մեկ ամիս տևեց ընտրությունների փուլը, որի ընթացքում ներկայացրեցի իմ անցած ուղին:
Մասնակցության հրավերը ստացել էի համաշխարհային կինոընկերություններից մեկից և Ուկրաինական Feshion TV-ից, որոնց հետ տևական ժամանակ համագործակցում էի։
Սա տվեց ինձ հնարավորություն ծանոթանալ մի շարք իտալական հզոր ընկերությունների հետ, ի դեպ որոնցից մի քանիսի հետ արդեն նախնական աշխատանքներ են տարվում, հետագա համագործակցության համար։
Սա իսկապես եզակի հնարավորություն էր։ Մեր երկրի համար այս դժվարին պահին ինձ համար մեծ պատիվ էր ևս մեկ անգամ ներկայացնել հայկական
երաժշտությունը, բարձր պահելու հայի պատիվը նման համաշխարհային հարթակում։
Շուշան Սարգսյանը կարևոր է համարում նաև այն հանգամանքը, որ այդ կարևոր օրերին համագործակցելով համաշխարհային հայ դիզայներների հետ, կարմիր գորգին և բոլոր կարևոր միջոցառումներին ներկայացել է հենց հայերի ստեղծած կերպարներով։ Հագուստը՝ Նաիրա Խաչատրյան զարդերը՝ դիզայներ Արմինե Գևորգյան
